ବାରିପଦା: ଧଳା ଜହର ମାମଲାରେ ଚିପଟଅସ୍ତିଆ ଅଞ୍ଚଳର ସେକ ମହତାବ ଅଲ୍ଲୀକୁ ଗିରଫ କରି କୋର୍ଟ ଚାଲାଣ କରାଯାଇଛି। ସୂଚନାନୁଯାୟୀ, ୨୦୨୦ ମସିହା ଜୁଲାଇ ମାସରେ ମୟୂରଭଞ୍ଜ ଜିଲ୍ଲାର କୁଳିଅଣା ଥାନା ଅଧିନସ୍ଥ ନିଲକମଲ ଢାବାରୁ ଗ୍ରାହକକୁ ବିକ୍ରି କରିବା ସମୟରେ ସ୍ବତନ୍ତ୍ର ଟାସ୍କଫୋର୍ସ ପକ୍ଷରୁ ଅତର୍କିତ ଭାବେ ଚଢ଼ାଉ କରାଯାଇଥିଲା ।
ବ୍ରାଉନସୁଗାର କାରବାରର ମାଷ୍ଟରମାଇଣ୍ଡ ଗିରଫ
ଚଢାଉରେ ୩ କିଲୋ ୨୬୫ ଗ୍ରାମର ଧଳାଜହର ଜବତ ହେବା ସହିତ ଜଣେ ଅଭିଯୁକ୍ତକୁ ଗିରଫ କରିଥିଲେ। ଏହାର ବଜାର ମୂଲ୍ୟ ୩ କୋଟି ୨୬ ଲକ୍ଷରୁ ଅଧିକ ହେବ ବୋଲି ଜଣାପଡିଛି। ପୂର୍ବରୁ ଘଟଣା ସମୟରେ ମୁଖ୍ୟ ଅଭିଯୁକ୍ତ ଫେରାର ହୋଇଥିଲା।