ରାଇରଙ୍ଗପୁର:ବାଘ ସହ ଲଢେ଼ଇ କରି ଭାଉଜକୁ ରକ୍ଷା କଲା ଦିଅର । ଉଭୟ ଦିଅର ଓ ଭାଉଜ ଆହତ। ଭାଉଜକୁ କଲରା ପତାରିଆ ବାଘ ଆକ୍ରମଣ କରିଥିବା ବେଳେ ଚିତ୍କାର ଶୁଣି ବାଘ ସହ ଲଢେଇ କରି ବାଘ କବଳରୁ ଭାଉଜକୁ ରକ୍ଷା କରିଛି ଦିଅର । ଏଭଳି ଏକ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ବନଖଣ୍ଡ ବିଶୋଇ ରେଞ୍ଜ ଅନ୍ତର୍ଗତ ତାରଣା ଗ୍ରାମରେ।
ବାଘ ସହ ଲଢି ଭାଉଜଙ୍କୁ ରକ୍ଷା କଲା ଦିଅର
ସୂଚନା ଅନୁଯାୟୀ, ଭୋର ପାଖାପାଖି ୩ଟା ସମୟରେ ବିଶୋଇ ବ୍ଲକ ତାରଣା ଗାଁର ମାଇନୋ ହାଁସଦା ପରିଶ୍ରା କରିବାକୁ ଉଠିଥିଲେ । ଏହି ସମୟରେ ଏକ କଲରାପତାରିଆ ବାଘ ଆକ୍ରମଣର ଶିକାର ହୋଇ ଚିତ୍କାର କରିଥିଲେ l ବାଘଟି ଭାଉଜଙ୍କୁ ଆକ୍ରମଣ କରୁଥବା ଦେଖି ଦିଅର ବାଘର ବେକକୁ ଧରି ବାଘ ସହ ଲଢେ଼ଇ କରି ଭାଉଜଙ୍କୁ ବାଘ କବଳରୁ ରକ୍ଷା କରିଥିଲେ। ଭାଉଜକୁ ରକ୍ଷା କରିବାକୁ ଚେଷ୍ଟା କରି ସେ ମଧ୍ୟ ଆହତ ଆହତ ହୋଇଥିଲେ ।