ବଳଦ ପାଇଁ ଷଡୁକୁ ହତ୍ୟା କଲା ଷଡୁ

ମୟୂରଭଞ୍ଜ କପ୍ତିପଦା ଥାନା ଅସୁରଖାଳ ହାଟରେ ପୂର୍ବ ଶତ୍ରୁତାକୁ କେନ୍ଦ୍ର କରି ଷଡୁକୁ ପିଟିପିଟି ହତ୍ୟା କରିଛି ଷଡୁ। ଅଭିଯୁକ୍ତକୁ ଗିରଫ କଲା ପୋଲିସ। ଅଧିକ ପଢନ୍ତୁ...

ବାରିପଦା: ହାଟରେ ପିଟିପିଟି ଷଡୁକୁ ହତ୍ୟା କଲା ଷଡୁ l ମୟୂରଭଞ୍ଜ କପ୍ତିପଦା ଥାନା ଅସୁରଖାଲ ହାଟରେ ହୁଡି ସାହି ଗାଁର ରବୀନ୍ଦ୍ରନାଥ ନାୟକଙ୍କୁ ତାଙ୍କ ଷଡୁ କାର୍ତ୍ତିକ ନାୟକ ପିଟି ପିଟି ହତ୍ୟା କରିଥିବା ପରିବାର ଲୋକ ଅଭିଯୋଗ କରିଛନ୍ତି l

ଅଭିଯୋଗ ଅନୁଯାୟୀ କାର୍ତ୍ତିକ ନାୟକଙ୍କ ଠାରୁ ତାଙ୍କ ଷଡୁ ରବୀନ୍ଦ୍ର ନାୟକ ଚାଷ ପାଇଁ ଏକ ବଳଦ ଆଣିଥିଲେ । ତେବେ ବଳଦକୁ ରବୀନ୍ଦ୍ର ଖାଇବାକୁ ଦେଉନଥିବାରୁ ଅନେକ ସମୟରେ ଉଭୟଙ୍କ ମଧ୍ୟରେ ବଚସା ହେଉଥିଲା। ରବୀନ୍ଦ୍ର ଅସୁରଖାଲ ହାଟକୁ ଯାଇଥିବା ବେଳେ ସେଠାରେ କାର୍ତ୍ତିକ ପହଞ୍ଚି ପାଟିତୁଣ୍ଡ କରିବା ସହ ରବୀନ୍ଦ୍ରଙ୍କୁ ବାଡେଇ ବାଡେଇ ଗୁରୁତର କରିଥିଲା l ଏହାପରେ ପରିବାର ଲୋକ ଖବର ପାଇ ରବୀନ୍ଦ୍ରଙ୍କୁ ଗୁରୁତର ଅବସ୍ଥାରେ ଉଦଳା ଡାକ୍ତରଖାନାକୁ ଆଣିଥିଲେ ମଧ୍ୟ ତାଙ୍କର ମୃତ୍ୟୁ ହୋଇଥିଲା l

ଘଟଣାରେ କପ୍ତିପଦା ପୋଲିସ ତଦନ୍ତ ଜାରି ରଖିବା ସହ ଅଭିଯୁକ୍ତ କାର୍ତ୍ତିକ ନାୟକଙ୍କୁ ଗିରଫ କରିଛି ପୋଲିସ l ତେବେ ବାରିପଦାରେ ଏକ ସାଇଣ୍ଟିଫିକ ଟିମ ପହଞ୍ଚି ତଦନ୍ତ ଜାରି ରଖିଛି l ତେବେ ଏ ସମ୍ପର୍କରେ ପୋଲିସର ପ୍ରତିକ୍ରିୟା ମିଳିପାରିନାହିଁ l

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ