ରାଇରଙ୍ଗପୁର:ମୟୂରଭଞ୍ଜ ଜିଲ୍ଲାର ବଦଳଦା ଝରାଡ଼ିହି ଗସ୍ତରେ ବଲିଉଡ଼ର ସୁନାମଧନ୍ୟ ପ୍ରଚ୍ଛଦପଟ୍ଟ ଲେଖକ ତଥା ଫିଲ୍ମ ନିର୍ଦ୍ଦେଶକ ଡ଼ଃ ଇକବାଲ ଦୁରାନୀ । ଝାଡ଼ଖଣ୍ଡ ଅଞ୍ଚଳର ଘାଟଶିଲା ନାମକ ସ୍ଥାନର ଘାଟଶିଲା ଶୀର୍ଷକରେ ଆଦିବାସୀଙ୍କ ଉପରେ ସେ ଏକ ଫିଲ୍ମ ନିର୍ମାଣ କରିବାକୁ ଯାଉଛନ୍ତି । ଫିଲ୍ମର ସୁଟିଂ ଅତି ନିକଟରେ ଆରମ୍ଭ ହେବାକୁ ଯାଉଥିବା ବେଳେ ସେ ଏହି ଗସ୍ତ କରିଛନ୍ତି ।
ଇକବାଲ "ଗାନ୍ଧୀ ସେ ପେହଲେ ଗାନ୍ଧୀ" ନାମକ ଶୀର୍ଷକରେ ସ୍ବାଧୀନତା ସଂଗ୍ରାମୀ ବୀର ବିର୍ସା ମୁଣ୍ଡାଙ୍କ ଉପରେ ଅନ୍ତଃରାଷ୍ଟ୍ରୀୟ ସ୍ତରର ଫିଲ୍ମ ନିର୍ମାଣ ପାଇଁ ଯୋଜନା ପ୍ରସ୍ତୁତ କରିଛନ୍ତି । ଉଭୟ ଫିଲ୍ମରେ ମୁମ୍ବାଇ କଳାକାରଙ୍କ ସହ ଝାଡ଼ଖଣ୍ଡ ଓ ଓଡ଼ିଶାର ଆଦିବାସୀ କଳାକାର ମାନଙ୍କୁ ନେଇ ଏହି ଦୁଇ ଫିଲ୍ମ ନିର୍ମାଣ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି । ଏନେଇ ଅଲ୍ ଇଣ୍ଡିଆ ସାର୍ନା ଧରମ୍ ଚେମେଦ୍ ଆଶ୍ଳା' ଅନୁଷ୍ଠାନରେ ଅନୁଷ୍ଠିତ ଏକ କାର୍ଯ୍ୟକ୍ରମରେ ଅତିଥି ଭାବେ ଯୋଗ ଦେଇଥିବା ବେଳେ ଫିଲ୍ମ ନିର୍ମାତା ତଥା ନିର୍ଦ୍ଦେଶକ ଡଃ ଦୁରାନୀ ଏହା ପ୍ରକାଶ କରିଛନ୍ତି ।