ଜଳାଶୟରୁ ନବଜାତକ ଶିଶୁପୁତ୍ରର ମୃତଦେହ ଉଦ୍ଧାର

ମୟୂରଭଞ୍ଜ ଜିଲ୍ଲା ଉଦଳା ଥାନା ଭୁରୁଡ଼ୁବଣୀ ଛକ ନିକଟରେ ଥିବା ବନ୍ଧରେ ଏକ ନବଜାତକ ଶିଶୁପୁତ୍ରର ମୃତଦେହ ଭାସୁଥୁବା ସ୍ଥାନୀୟ ଲୋକେ ଦେଖୁବାକୁ ପାଇଥିଲେ ପରେ ଏନେଇ ପୋଲିସକୁ ଖବର ଦେଇଥିଲେ। ଅଧିକ ପଢନ୍ତୁ..

ବାରିପଦା: ଜିଲ୍ଲାର ଉଦଳା ଥାନା ଭୁରୁଡ଼ୁବଣୀ ନିକଟରେ ଥିବା ଏକ ଜଳାଶୟରୁ ମିଳିଛି ନବଜାତକ ଶିଶୁପୁତ୍ରର ମୃତଦେହ ।

କନ୍ୟା ଭୃଣ ଅଲୋଡା ହେବା କଥା ଆପଣ ଶୁଣିଥିବେ । ହେଲେ ଏକ ନବଜାତକ ଶିଶୁପୁତ୍ରର ମୃତଦେହ ଜଳାଶୟରେ ଭାସୁଥିବା ଅବସ୍ଥାରେ ଉଦ୍ଧାର ହୋଇଛି । ମୟୂରଭଞ୍ଜ ଜିଲ୍ଲା ଉଦଳା ଥାନା ଭୁରୁଡ଼ୁବଣୀ ଛକ ନିକଟରେ ଥିବା ବନ୍ଧରେ ଏକ ନବଜାତକ ଶିଶୁପୁତ୍ରର ମୃତଦେହ ଭାସୁଥୁବା ସ୍ଥାନୀୟ ଲୋକେ ଦେଖୁବାକୁ ପାଇଥିଲେ ପରେ ଏନେଇ ପୋଲିସକୁ ଖବର ଦେଇଥିଲେ । ପୋଲିସ୍‌ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି । ଅନ୍ୟପଟେ ନବ ଜାତକର ଶିଶୁପୁତ୍ର ପାଣିରେ ଭାସୁଥିବା ଘଟଣା ସାମ୍ନାକୁ ଆସିବା ପରେ ସେଠାରେ ଜନଗହଳି ଦେଖୁବାକୁ ମିଳିଛି ।

ତେବେ କିଏ ଏବଂ କାହିଁକି ଏହି ଜଳାଶୟରେ ନବଜାତକ ଶିଶୁପୁତ୍ରକୁ ଫୋପାଡିଛି ତାହା ଏବେବି ଜଣାପଡିନାହିଁ । ପୋଲିସର ତଦନ୍ତ ପରେ ସଠିକ ତଥ୍ୟ ସାମ୍ନାକୁ ଆସିବ ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ