ରାଇରଙ୍ଗପୁର: ଭାରତର ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ବିଷୟରେ ଆପତ୍ତିଜନକ ମନ୍ତବ୍ୟକୁ ନେଇ ସାଂସଦ ଅଧିର ରଞ୍ଜନ ଚୌଧୁରୀ ଓ ସୋନିଆ ଗାନ୍ଧିଙ୍କ କୁଶପୁତ୍ତଳିକା ଦାହ କଲା ରାଇରଙ୍ଗପୁର ବିଜେପି । ଲୋକସଭା ସାଂସଦ ଅଧିର ରଞ୍ଜନ ଚୌଧୁରୀ ଯେଉଁଭଳି ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ରାଷ୍ଟ୍ରପତ୍ନୀ କହି ତାଙ୍କ ପ୍ରତି ଅପଶବ୍ଦ ବ୍ୟବହାର କରିଥିଲେ ତାହାକୁ ନେଇ ରାଇରଙ୍ଗପୁର ବିଜେପି ତୀବ୍ର ନିନ୍ଦା କରିଛି ।
ଅଧିର ରଞ୍ଜନ ଚୌଧୁରୀ ଓ ସୋନିଆ ଗାନ୍ଧୀଙ୍କ କୁଶ ପୁତ୍ତଳିକା ଦାହ କଲା ରାଇରଙ୍ଗପୁର ବିଜେପି ଏନେଇ ଶୁକ୍ରବାର ରାଇରଙ୍ଗପୁର ସହରର ଦୁର୍ଗାମଣ୍ଡପ ଛକଠାରେ ରାଇରଙ୍ଗପୁର ବିଜେପିର ବରିଷ୍ଠ ନେତା ଓ କାର୍ଯ୍ୟକର୍ତ୍ତା ମାନେ ଯୋଗ ଦେଇ ଅଧିର ରଞ୍ଜନ ଚୌଧୁରୀ ଓ କଂଗ୍ରେସ ହାଇକମାଣ୍ଡ ସୋନିଆ ଗାନ୍ଧିଙ୍କ ବିରୋଧରେ ନାରାବାଜି ଦେଇଥିଲେ । ଏହା ସହିତ ଉଭୟଙ୍କ କୁଶ ପୁତ୍ତଳିକା ଦାହ କରାଯାଇଥିଲା । ତେବେ ରାଷ୍ଟ୍ରପତିଙ୍କ ବିଷୟରେ ଏପରି ଅପଶବ୍ଦ ବ୍ୟବହାରରୁ କଂଗ୍ରେସ ଦଳ ଏପରି କାର୍ଯ୍ୟରୁ ନିବୃତ ରହୁ, ନହେଲେ ଆଗାମୀ ଦିନରେ ରାଜରାସ୍ତାରେ ଲଢେଇ ହେବ ବୋଲି ଚେତାବନୀ ଦେଇଛନ୍ତି ବରିଷ୍ଠ ବିଜେପି ନେତା ଇଶାନ ମିଶ୍ର ।
ଇଟିଭି ଭାରତ, ରାଇରଙ୍ଗପୁର
