ମୟୁରଭଞ୍ଜ: ପାଖେଇ ଆସୁଛି 2019 ସାଧାରଣ ନିର୍ବାଚନ । ଏହାକୁ ନେଇ ସବୁ ରାଜନୈତିକ ଦଳ ଭୋଟ ହାତେଇବା ପାଇଁ ବିଭିନ୍ନ ପ୍ରସଙ୍ଗକୁ ଆଳ କରୁଥିବାବେଳେ ନିଜ 19 ବର୍ଷ ଶାସନର ହିସାବ ମାଗି ବିଜେଡିକୁ କାଉଣ୍ଟର କରିଛି ବିଜେପି । ବାରିପଦାରେ ଭାରତୀୟ ଜନତା ପାର୍ଟି ପକ୍ଷରୁ ଆୟୋଜିତ ହୋଇଥିଲା ଜବାବ ମାଗେ ଓଡିଶାର ଜନ ଅଦାଳତ କାର୍ଯ୍ୟକ୍ରମ । ଯେଉଁଥିରେ ନିଆରା ଢଙ୍ଗରେ ଶାସକ ଦଳ ବିଜେଡିକୁ ବିଜେପି ଟାର୍ଗେଟ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୁରଭଞ୍ଜ ଏୌତିହାସିକ ଛଉ ପଡିଆରେ ମଙ୍ଗଳବାର ସନ୍ଧ୍ୟାରେ ବିଜେପି ପକ୍ଷରୁ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଦିର୍ଘ 19ବର୍ଷ ଶାସନର ହିସାବ ମାଗିଛି ବିଜେପି । ମୟୁରଭଞ୍ଜ ଜିଲ୍ଲାର 9 ଜଣ ବିଧାୟକ ବିଜେଡି ଥିବାବେଳେ ସବୁ ବିଧାୟକଙ୍କୁ ରିପୋର୍ଟକାର୍ଡ ମାଗିବା ସହ କାଠଗଡାରେ ଠିଆ ହୋଇ ନିଜର ବ୍ୟକ୍ତବ୍ୟ ରଖିବାକୁ କହିଛି ବିଜେପି ।
ଏହାସହ ମୟୁରଭଞ୍ଜ ପ୍ରତି ବିଜେଡିର କଣ କଣ ସବୁ ଅବଦାନ ରହିଛି ବୋଲି ବିଜେଡି ନେତାଙ୍କୁ ପ୍ରଶ୍ନ କରିଛି ବିଜେପି । ଏହି କାର୍ଯ୍ୟକ୍ରମରେ ଜିଲ୍ଲା ଭାରତୀୟ ଜନତା ପାର୍ଟର ସଭାପତି କୃଷ୍ଣଚନ୍ଦ୍ର ମହାପାତ୍ର, ଜିଲ୍ଲା ପରିଷଦ ସଭାପତି ସୁଜାତା ମୁର୍ମୁ, ଉଦଳା ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ଭାସ୍କର ମଢେଇ ପ୍ରମୁଖ ଏହି କାର୍ଯ୍ୟକ୍ରମ ରେ ଯୋଗ ଦେଇଥିଲେ ।
ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
