ଦୁର୍ଘଟଣା ପରେ ଜଳିଗଲା ବାଇକ, ଅଳ୍ପକେ ବର୍ତ୍ତିଲେ ବାଇକ ଆରୋହୀ

୧୮ ନମ୍ବର ଜାତୀୟ ରାଜପଥ ବାରିପଦା ସହର ନିକଟ ପାଲବଣି ନିକଟରେ ଦୁର୍ଘଟଣା ପରେ ଜଳିଗଲା ବାଇକ । ଅଳ୍ପକେ ବର୍ତ୍ତିଲେ ବାଇକ ଚାଳକ । ଅଧିକ ପଢନ୍ତୁ....

ବାରିପଦା: ୧୮ ନମ୍ବର ଜାତୀୟ ରାଜପଥ ବାରିପଦା ସହର ନିକଟ ପାଲବଣି ନିକଟରେ ଦୁର୍ଘଟଣା ପରେ ଜଳିଗଲା ବାଇକ । ଅଳ୍ପକେ ବର୍ତିଲେ ବାଇକ ଚାଳକ ।

ସୂଚନା ଅନୁଯାୟୀ ଆଜି(ଗୁରୁବାର) ଅପରାହ୍ନରେ ଜଣେ ବାଇକ ଆରୋହୀ ଆସୁ ଥିବାବେଳେ ଅନ୍ୟ ଏକ ବାଇକ ସହ ଦୁର୍ଘଟଣା ହୋଇଥିଲା । ଏଥିରେ ଗୋଟିଏ ବାଇକ୍ ସମ୍ପୂର୍ଣ୍ଣ ଜଳିଯାଇ ଥିବାବେଳେ ବାଇକ ଆରୋହୀ ଗୁରୁତର ଆହତ ହୋଇଛନ୍ତି । ଗୁରୁତର ଅବସ୍ଥାରେ ୧୦୮ ଆମ୍ବୁଲାନ୍ସ ଯୋଗେ ପିଆରଏମ୍ ମେଡ଼ିକାଲ କଲେଜ ଏଣ୍ଡ ହସ୍ପିଟାଲରେ ଭର୍ତ୍ତି କରାଯାଇଛି । ଅନ୍ୟପକ୍ଷରେ ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ଜଳୁଥିବା ବାଇକକୁ ଲିଭାଇଛନ୍ତି । ସେପଟେ ବାଇକ ଚାଳକଙ୍କ ପରିଚୟ ଜଣାପଡିନାହିଁ ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ