ବାରିପଦା:କେନ୍ଦ୍ର ପରିବେଶ, ଜଙ୍ଗଲ ଓ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟ ପକ୍ଷରୁ ବ୍ୟାଘ୍ର ସଂରକ୍ଷଣ ଓ ଜୈବ ବିବିଧତା ସଂରକ୍ଷଣ ବାର୍ତ୍ତା ପ୍ରଦାନ ଉଦ୍ଦେଶ୍ୟରେ ‘ ଇଣ୍ଡିଆ ଫର ଟାଇଗର' ଏକ ସାଇକେଲ ରାଲି କାର୍ଯ୍ୟକ୍ରମ ବାରିପଦାରେ ଅନୁଷ୍ଠିତ ହୋଇଛି।
ବାଘ ସୁରକ୍ଷା ସଚେତନତା ପାଇଁ ସାଇକେଲ ରାଲି
ଭାରତ ସ୍ବାଧୀନତାର ୭୫ ବର୍ଷ ପାଳନ ଅବସରରେ ଆଜାଦୀ କା ଅମୃତ ମହୋତ୍ସବ ଉତ୍ସବ ପାଳନର ଅଂଶ ବିଶେଷ ଭାବରେ ସେପ୍ଟେମ୍ବର ୨୭ ତାରିଖ ତେଲଙ୍ଗାନାର ଜଙ୍ଗଲ ମନ୍ତ୍ରୀ ଏ ଇନ୍ଦ୍ରକରଣ ରେଡି ପତାକା ଦେଖାଇ ଏହି ରାଲିର ଶୁଭାରମ୍ଭ କରିଛନ୍ତି । ତେଲେଙ୍ଗାନାରୁ ଏହି ରାଲି ବାହାରିଥିବାବେଳେ ଆଜି ଗାନ୍ଧୀ ଜୟନ୍ତୀରେ ବାରିପଦା (ଶିମିଳିପାଳ)ରେ ପହଞ୍ଚିବା ସହ ଉଦ୍ଯାପିତ ହୋଇଛି । କାର୍ଯ୍ୟକ୍ରମକୁ ସଫଳ କରିବା ପାଇଁ ବିଭିନ୍ନ ପଦକ୍ଷେପ ଗ୍ରହଣ କରାଯିବା ସହିତ ସାଇକେଲ ରାଲିକୁ ଗାନ୍ଧୀ ଜୟନ୍ତୀ ଅବସରରେ ସହରର ଭଞ୍ଜପୁର ଠାରୁ ଆରମ୍ଭ ହୋଇ ସହର ପରିକ୍ରମା କରିଥିଲା ।