ବାରିପଦା: ଆଦିବାସୀ ଉନ୍ନୟନ ସମନ୍ବୟ ସଂସ୍ଥା କାର୍ଯ୍ୟାଳୟ ଭିତରେ ସହକାରୀ ଯନ୍ତ୍ରୀଙ୍କୁ ଆକ୍ରମଣ କରି ସାରସକଣା ବିଧାୟକଙ୍କ ପ୍ରତିନିଧି ବିଶ୍ଵଜିତ ହାୱାଡା ଗିରଫ। ସହକାରୀ ଯନ୍ତ୍ରୀ ଲମ୍ବୋଦର ମାଝୀଙ୍କ ଅଭିଯୋଗ କ୍ରମେ ବିଶ୍ଵଜିତ ହାୱାଡାଙ୍କୁ ଗିରଫ କରିଛି ବାରିପଦା ଟାଉନ ଥାନା ପୋଲିସ।
ସହକାରୀ ଯନ୍ତ୍ରୀଙ୍କୁ ଆକ୍ରମଣ କରି ବିଜେପି ବିଧାୟକଙ୍କ ପ୍ରତିନିଧି ଗିରଫ
ସୂଚନା ଅନୁଯାୟୀ ବିଧାୟକଙ୍କ ପ୍ରତିନିଧି ଜଣକ ଠିକାଦାର କାର୍ଯ୍ୟ କରନ୍ତି। ବିଭାଗର ସହକାରୀ ଯନ୍ତ୍ରୀ ଲମ୍ବୋଦର ମାଝୀଙ୍କ ଅଭିଯୋଗ ଅନୁସାରେ କାର୍ଯ୍ୟାଳୟ ମଧ୍ୟରେ ସେ କାର୍ଯ୍ୟ କରୁଥିବା ସମୟରେ କଣ୍ଟାପାଳ ଅଞ୍ଚଳର ଠିକାଦାର ବିଶ୍ଵଜିତ ହାୱାଡା ଟଣା ଓଟରା କରି ପଛ ପଟୁ ଧକ୍କା ଦେଇଥିଲେ । କେବଳ ସେତିକି ନୁହେଁ ଅସଭ୍ୟ ଭାଷାରେ ଗାଳି ଗୁଲଜ କରି ତଳେ ପକାଇ ଦେଇଥିଲେ ।
ଏଥିସହ ଜୀବନରୁ ମାରିଦେବାକୁ ଧମକ ଦେଇଥିବା ମଧ୍ୟ ଥାନାରେ ଲିଖିତ ଅଭିଯୋଗରେ ଦର୍ଶାଇଛନ୍ତି ସହକାରୀ ଯନ୍ତ୍ରୀ ଲମ୍ବୋଦର ମାଝୀ। ବାରିପଦା ଟାଉନ ପୋଲିସ ଘଟଣାସ୍ଥଳରେ ପହଞ୍ଚି ମାମଲା ରୁଜୁ କରି ଅଭିଯୁକ୍ତ ଠିକାଦାରଙ୍କୁ ଥାନାରେ ଅଟକ ରଖିବା ପରେ ଗିରଫ କରିଛନ୍ତି।