ରାଇରଙ୍ଗପୁର: ମୟୁରଭଞ୍ଜ ଜିଲ୍ଲା ଯଶିପୁର ଥାନା ଅଧିନ ବଣମୁଣ୍ଡା ଛକରେ ଅଟୋ ଓ ବାଇକ ମୁହାଁମୁହିଁ ଧକ୍କା ହୋଇଛି । ଫଳରେ ବାଇକରେ ଥିବା ତିନି ଜଣ ଗୁରୁତର ନେଇ ସୂଚନା ମିଳିଛି । ଗୁରୁତର ହୋଇଥିବା ତିନି ଜଣ ହେଲେ ଯାମଦା ଥାନା ଅଧିନ ରୁମାପାହାଡି ଗ୍ରାମର ଠାକୁର କିସ୍କୁ(୫୫), ଦେଓକୁଣ୍ଡି ଗ୍ରାମର ରାମ ଚନ୍ଦ୍ର ଟୁଡୁ(୫୬) ଓ ହରଗଡା ଗ୍ରାମର ଭୀମ ମୁର୍ମୁ(୨୫) ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ଏକ ହିରୋ ଗ୍ଲାମର ବାଇକ ଯୋଗେ ତିନି ଜଣ କୌଣସି କାମକୁ ନେଇ କରଞ୍ଜିଆ ଆସିଥିଲେ । ତେବେ କରଞ୍ଜିଆରୁ ଯାମଦାକୁ ଯାଉଥିବା ବେଳେ ସଂଧ୍ୟା ୭.୪୫ ସମୟରେ ବଣମୁଣ୍ଡା ଛକ ନିକଟରେ ବିପରୀତ ଦିଗରୁ ଏକ ଅଟୋ ସହିତ ବାଇକର ମୁହାଁମୁହିଁ ଧକ୍କା ହୋଇଥିଲା । ଧକ୍କା ପରେ ଅଟୋଟି ଦୃତ ଗତିରେ ଯଶିପୁର ଆଡକୁ ପଳେଇ ଯାଇଥିଲା । ରକ୍ତାକ୍ତ ଅବସ୍ଥାରେ ତିନି ଜଣ ବାଇକ ଆରୋହୀ ରାସ୍ତାରେ ପଡିଥିବା ସମୟରେ ସେହି ରାସ୍ତା ଦେଇ ଯାଉଥିବା ଜଣେ ସାଇକେଲ ଆରୋହୀ ଦେଖି ପୋଲିସ ଓ ୧୦୮ ଆମ୍ବୁଲାନ୍ସକୁ ଖବର ଦେଇଥିଲେ ।