ବାରିପଦା: ମୟୁରଭଞ୍ଜ ଜିଲ୍ଲା କପ୍ତିପଦା ତହସିଲଦାର ଓ ଅତିରିକ୍ତ ତହସିଲଦାରଙ୍କୁ ମୋରମ ମାଫିଆଙ୍କ ଆକ୍ରମଣ । ବେଆଇନ ମୋରମ ଉତ୍ତୋଳନକୁ ବିରୋଧ କରିବାରୁ ଏହି ଆକ୍ରମଣ ହୋଇଛି । ଏନେଇ ତହସିଲଦାର ସମରଜିତ କର ସୂଚନା ଦେଇଛନ୍ତି ।
ତହସିଲଦାର-ଅତିରିକ୍ତ ତହସିଲଦାରଙ୍କ ଉପରେ ମୋରମ ମାଫିଆଙ୍କ ଆକ୍ରମଣ
ସୂଚନା ଅନୁଯାୟୀ, ବୁଧବାର ସକାଳେ କପ୍ତିପଦା ତହସିଲ ଅନ୍ତର୍ଗତ ବାଘାବାଡ଼ି ଅଞ୍ଚଳରେ ବେଆଇନ ବାଲି ଉତ୍ତୋଳନ ହେଉଥିବା ଖବର ପାଇ କପ୍ତିପଦା ତହସିଲଦାର ସମରଜିତ କର ଓ ଅତିରିକ୍ତ ତହସିଲଦାର ପ୍ରିୟରଞ୍ଜନ ଜେନା ଘଟଣାସ୍ଥଳକୁ ଯାଇଥିଲେ । ମାତ୍ର ବାଲି ଖାଦାନରେ କିଛି ନ ପାଇ ସେମାନେ ପୁଣି ଫେରୁଥିବା ସମୟରେ ଧୂମକେତ ବାସନ୍ତୀ ପଡିଆ ନିକଟରେ ଏକ ଜେସିବି ଓ ଟ୍ରାକ୍ଟର ମାଟି ଉତ୍ତୋଳନ କରୁଥିବା ଦେଖି ଅଟକି ଯାଇଥିଲେ । ଉଭୟ ତହସିଲଦାର ଓ ଅତିରିକ୍ତ ତହସିଲଦାର ଘଟଣାସ୍ଥଳରେ ପହଞ୍ଚି ମାଟି ଖୋଳାଯିବା ସମ୍ପର୍କରେ ପଚରାଉଚରା କରିବା ସହ ମାଟି ଖୋଳୁଥିବା ବ୍ୟକ୍ତିଙ୍କ ମୋବାଇଲ ସିଜ କରିଥିଲେ ।