ବାଲି ମାଫିଆଙ୍କ ଗୁଣ୍ଡାରାଜ, ତହସିଲଦାରଙ୍କୁ ଆକ୍ରମଣ ସହ ଗାଡି ଭଙ୍ଗାରୁଜା

ସାରସକଣାର ଭାରପ୍ରାପ୍ତ ତହସିଲଦାର ମହିନୀ ନାଏକଙ୍କୁ ବାଲିମାଫିଆଙ୍କ ଦ୍ବାରା ମରଣାନ୍ତକ ଆକ୍ରମଣ କରାଯାଇଛି । ଏଥିରେ ତହସିଲଦାର ଆହତ ହୋଇଛନ୍ତି ।

ବାରିପଦା: ମୟୂରଭଞ୍ଜ ଜିଲ୍ଲାରେ ପୁଣି ଦେଖିବାକୁ ମିଳିଛି ବାଲି ମାଫିଆଙ୍କ ଗୁଣ୍ଡାରାଜ। ବୁଧବାର ବିଳମ୍ବିତ ରାତ୍ରିରେ ସାରସକଣାର ଭାରପ୍ରାପ୍ତ ତହସିଲଦାର ମହିନୀ ନାଏକଙ୍କୁ ବାଲିମାଫିଆଙ୍କ ଦ୍ବାରା ମରଣାନ୍ତକ ଆକ୍ରମଣ କରାଯାଇଛି । ଏନେଇ ଝାରପୋଖରୀଆ ଥାନାରେ ଅଭିଯୋଗ ହୋଇଛି। ପୋଲିସ ଘଟଣାର ତଦନ୍ତ ଜାରି ରଖିଛି।

ସୂଚନାଯୋଗ୍ୟ, ସାରସକଣା ଭାରପ୍ରାପ୍ତ ତହସିଲଦାର ବାଲି ଚାଲାଣର ଖବର ପାଇଥିଲେ । ଏହାପରେ ସେ ଏକ ସ୍କର୍ପିଓ ଗାଡ଼ିରେ ବାଲି ବୋଝେଇ ଟ୍ରାକ୍ଟରକୁ ପିଛା କରୁଥିଲେ । ସେହି ସମୟରେ ତହସିଲଦାରଙ୍କ ଗାଡିକୁ ଦୁର୍ଘଟଣା ଘଟାଇବା ପାଇଁ ଉଦ୍ୟମ କରିଥିଲା ଟ୍ରାକ୍ଟର ଚାଳକ। ପାଣ୍ଡରା ଗ୍ରାମ ନିକଟରେ ଅଚାନକ 7ରୁ 8ଜଣ ଲୋକ ତହସିଲଦାରଙ୍କ ଗାଡିକୁ ଅଟକାଇ ଗାଡିର ଆଗ କାଚ ଓ ଡୋର ଭାଙ୍ଗିବା ସହ ଡ୍ରାଇଭର ଓ ତହସିଲଦାରଙ୍କୁ ଆକ୍ରମଣ କରିଥିଲେ। ଏହାପରେ ଲହୁଲୁହାଣ ହୋଇ ଭାରପ୍ରାପ୍ତ ତହସିଲଦାର ଝାରପୋଖରୀଆ ଥାନାରେ ଅଭିଯୋଗ କରିଛନ୍ତି । ଝରପୋଖରିଆ ପୋଲିସ ଭାରପ୍ରାପ୍ତ ତହସିଲଦାରଙ୍କୁ ନେଇ ଶୀର୍ଷା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସା କରାଇଛି।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ