ରାଇରଙ୍ଗପୁର: କୋରୋନା ସଂକ୍ରମଣକୁ ରୋକିବା ପାଇଁ କେନ୍ଦ୍ର ସରକାର ସାରା ଦେଶରେ ଲକ୍ ଡାଉନ୍ ଘୋଷଣା କରିଛନ୍ତି । ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ନିର୍ଦ୍ଦେଶକ୍ରମେ ରାଜ୍ୟ ଏବଂ ମୟୂରଭଞ୍ଜ ଜିଲ୍ଲାର ସମସ୍ତ ପ୍ରବେଶ ପଥକୁ ସିଲ୍ କରାଯାଇଛି। ହେଲେ ଏହାର ପ୍ରଭାବ ପଡୋଶୀ ଝାଡ଼ଖଣ୍ଡ ରାଜ୍ୟରେ ପଡି ନଥିବା ଦେଖିବାକୁ ମିଳିଛି।
ଝାଡ଼ଖଣ୍ଡର କିଛି ଦୁର୍ବୃତ୍ତଙ୍କ ଆକ୍ରମଣରେ 4 ଜଣ ପୋଲିସ କର୍ମୀ ଆହତ ହୋଇଛି । ଏପରି ଏକ ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ରରୁଆଁ ଥାନା ଅଧୀନରେ ଥିବା ଓଡିଶା ଝାଡଖଣ୍ଡ ବୋର୍ଡର ବେନିସାଗର ନିକଟରେ। ଲକ ଡାଉନକୁ ନେଇ ଓଡ଼ିଶା ଝାଡ଼ଖଣ୍ଡ ସୀମା ବେନିସାଗର ନିକଟରେ ରରୁଆଁ ଅଞ୍ଚଳରେ । ପୋଲିସ କଡ଼ାକଡ଼ି ଭାବେ ଗାଡ଼ି ଯାଞ୍ଚ କରୁଥିବା ବେଳେ ହୋଇଛି ଆକ୍ରମଣ । ସୂଚନା ଅନୁଯାୟୀ ଓଡ଼ିଶା ସୀମାନ୍ତବର୍ତ୍ତି ଝାଡ଼ଖଣ୍ଡ ରାଜ୍ୟର କୁଳପୋଷୀ ଗ୍ରାମରୁ ୧୦ ରୁ ୧୨ ଟି ବାଇକରେ ପ୍ରାୟ ୧୫ ରୁ ୨୦ ଜଣ ଦୁର୍ବୃତ୍ତ ଆସି ହଠାତ୍ ପୋଲିସ କର୍ମଚାରୀଙ୍କ ଉପରକୁ ଆକ୍ରମଣ କରିଥିଲେ। ସେଠାରେ ଥିବା ଗେଟ୍, ଚେୟାର ଓ ବାଇକ ଭାଙ୍ଗିବା ସହ ପୋଲିସ କର୍ମଚାରୀଙ୍କୁ ମରଣାନ୍ତକ ଆକ୍ରମଣ କରିଥିଲେ।