ବାରିପଦା: ମୟୂରଭଞ୍ଜ ଜିଲ୍ଲାରେ ପ୍ରସିଦ୍ଧ ଚୈତ୍ର ପର୍ବ କୋରୋନା କଟକଣା ମଧ୍ୟରେ ପାଳନ କରାଯାଉଛି । ତେବେ ଏହି ପର୍ବରେ ବିଶ୍ବ ପ୍ରସିଦ୍ଧ ଛଉ ନୃତ୍ୟ ପରିବେଷଣ ପାଇଁ 3 ଦିନ ଅନୁମତି ଦେବା ଲାଗି ଭଞ୍ଜସେନା ପକ୍ଷରୁ ଛଉ କଳାକାରମାନେ ଜିଲ୍ଲାପାଳ ଅଫିସ ସମ୍ମୁଖରେ ଧାରଣା ଦେଇଛନ୍ତି ।
ଛଉ ନୃତ୍ୟ ପରିବେଷଣକୁ ଅନୁମତି ପାଇଁ କଳାକାରଙ୍କ ଧାରଣା
ନାଚ, ଗୀତ, ଖେଳ ସହ ରାଜନୈତିକ ସଭାକୁ ରାଜ୍ୟ ସରକାର ଅନୁମତି ଦେଇଥିବା ବେଳେ ମୟୂରଭଞ୍ଜର ପ୍ରସିଦ୍ଧ ଚୈତ୍ର ପର୍ବରେ ବିଶ୍ୱପ୍ରସିଦ୍ଧ ଛଉକୁ ଜିଲ୍ଲା ପ୍ରଶାସନ ପକ୍ଷରୁ ବନ୍ଦ ପାଇଁ ଯୋଜନା କରାଯାଉଥିବା ଅଭିଯୋଗ ହେଉଛି । ଏହାର ପ୍ରତିବାଦ କରିଛି ଜିଲ୍ଲାର ଛଉ କଳାକାର ସହିତ ମୟୂରଭଞ୍ଜ ଜିଲ୍ଲାର ଅଣ ରାଜନୈତିକ ସଂଗଠନ ଭଞ୍ଜସେନା । ସଂପୂର୍ଣ୍ଣ କୋରୋନା କଟକଣା ନିୟମ ପାଳନ ସହ ୩ ଦିନ ଧରି ବିଶ୍ୱ ପ୍ରସିଦ୍ଧ ଛଉ ନୃତ୍ୟକୁ ପାଳନ କରିବା ପାଇଁ ଅନୁମତି ଦିଆଯାଉ ବୋଲି ଦାବି କରି ସୋମବାର ଛଉ କଳାକାରମାନେ ଅଭିନବ ଢଙ୍ଗରେ ପ୍ରତିବାଦ କରିଛନ୍ତି ।