ବାରିପଦା: ମୟୂରଭଞ୍ଜ ଜିଲାରେ ଅମ୍ଫାନ ପ୍ରଭାବ ଅନୁଭୂତ ହୋଇଛି। ଅମ୍ପାନ ପ୍ରଭାବରେ ମଙ୍ଗଳବାର ରାତିରୁ ଝିପିଝିପି ବର୍ଷା ହେଉଥିବା ବେଳେ, ବୁଧବାର ସକାଳୁ ଜୋର ପବନ ସହିତ ଜିଲାରେ ବର୍ଷା ଲାଗିରହିଛି। ସକାଳ ୬ଟାରେ ପବନର ବେଗ ୮୦ କିଲୋମିଟରରୁ ଉର୍ଦ୍ଧ୍ବ ରହିଥିବା ବେଳେ ପର୍ଯ୍ୟାୟ କ୍ରମେ ବଢ଼ିବାରେ ଲାଗିଛି।
ମୟୂରଭଞ୍ଜରେ ଅମ୍ଫାନ ପ୍ରଭାବ, ବଢୁଛି ପବନର ବେଗ
ଜିଲ୍ଲାର ତଳିଆ ଅଞ୍ଚଳରେ ଥିବା ଲୋକଙ୍କୁ ସ୍ଥାନାନ୍ତର କରିବା କାର୍ଯ୍ୟ ଜାରି ରଖାଯାଇଛି। ବିଶେଷକରି ମୟୂରଭଞ୍ଜ ଜିଲ୍ଲାରେ ୮ଟି ବ୍ଲକ ପ୍ରଭାବିତ ହେବ ବୋଲି ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ଜିଲ୍ଲାର ମୋରଡ଼ା, ରାସଗୋବିନ୍ଦପୁର, ବେତନଟୀ, ଉଦଳା, କପ୍ତିପଦା, ବାରିପଦା, ଜିବି ନଗର, ଶୁଳିଆପଦା ବ୍ଲକରେ ବାତ୍ୟା ଅମ୍ଫାନର ପ୍ରଭାବ ଅଧିକ ରହିବ ବୋଲି କୁହାଯାଇଛି ।