ବାରିପଦା: ହଜିଯାଇଛି ମାନବିକତା । ଜଣେ ମାନସିକ ବିକାରଗ୍ରସ୍ତ ଯୁବକଙ୍କୁ କୌଣସି ଦୁର୍ବୃତ୍ତ ଏସିଡ ମାଡ କରିଥିବା ଅଭିଯୋଗ ହୋଇଛି । ଏଭଳି ଅଭିଯୋଗ ଆସିଛି ମୟୂରଭଞ୍ଜ ଜିଲ୍ଲା କପ୍ତିପଦା ଥାନା ଜଡିଦା ଗାଁରୁ ।
ଜଡିଦା ଗାଁର ମାନସିକ ବିକାରଗ୍ରସ୍ତ ଯୁବକ ଶିବ ପ୍ରସାଦ ପୋଇ ଗତ ଶୁକ୍ରବାର ଦିନ ରାତିରେ ଘର ବାହାରେ ବୁଲୁଥିବା ବେଳେ ଦୁର୍ବୃତ୍ତମାନେ ତାଙ୍କ ଉପରକୁ ଏସିଡ ମାଡ କରିଥିଲେ । ଏହା ପରେ ସେ ସେହି ରାତିରେ ନିଜ ଦେହ ଜଳାପୋଡା ହେଉଛି ବୋଲି କହିବାରୁ ଶନିବାର ପରିବାର ଲୋକେ ତାଙ୍କୁ କପ୍ତିପଦା ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ତେବେ ଡାକ୍ତର ଅଧିକ ଗରମ ପାଇଁ ଦେହ ଜଳୁଛି ବୋଲି କହି ଔଷଧ ଦେଇ ଘରକୁ ପଠାଇ ଦେଇଥିଲେ ।
ମାନସିକ ବିକାରଗ୍ରସ୍ତ ଯୁବକଙ୍କୁ ଏସିଡ ମାଡ ଅଭିଯୋଗ