ଅକ୍ଷୟ ତୃତୀୟା: ଦ୍ବିତୀୟ ଶ୍ରୀକ୍ଷେତ୍ରରେ ଚକରେ ଲାଗିଲା ଅଖ

କୋଭିଡ କଟକଣାରେ ବାରିପଦା ଦ୍ବିତୀୟ ଶ୍ରୀକ୍ଷେତ୍ର ଶ୍ରୀ ହରିବଳଦେବ ଜୀଉଙ୍କ ଅକ୍ଷୟ ତୃତୀୟା ନୀତିକାନ୍ତି ସମ୍ପନ୍ନ ହୋଇଛି। ଅକ୍ଷୟ ତୃତୀୟାରେ ଚକରେ ଲାଗିଛି ଅଖ। ଅଧିକ ପଢନ୍ତୁ......

ବାରିପଦା:ମହାମାରୀ କୋରୋନାର ଭୟାବହତା ଭିତରେ ଦ୍ବିତୀୟ ଶ୍ରୀକ୍ଷେତ୍ର ବାରିପଦା ଶ୍ରୀ ହରିବଳଦେବ ଜୀଉଙ୍କ ଅକ୍ଷୟ ତୃତୀୟା ନୀତିକାନ୍ତି ସମ୍ପନ୍ନ ହୋଇଛି । ରାଜ୍ୟରେ ଲକଡାଉନ ବଳବତ୍ତର ଥିବା ବେଳେ କୋଭିଡ କଟକଣା ମଧ୍ୟରେ ରଥଯାତ୍ରା ପାଇଁ ରଥ ଚକରେ ଅଖ ଲାଗିଛି । କୋଭିଡ କଟକଣା ମଧ୍ୟରେ ସାମାଜିକ ଦୂରତା ବଜାୟ ରଖି ଅଳ୍ପ ସଂଖ୍ୟକ ସେବାୟତରେ ଚକରେ ଅଖ ଲାଗିଛି ।

ରଥ ଓ ଚକ ଶୋଧନ ନୀତି ପରେ ମହାରଣାମାନେ ରଥଖଳାରେ ତିନି ରଥରେ ଚକ ଲାଗି କରିଥିଲେ । ରଥଖଳାରେ ଅଖଲାଗି ସମୟରେ ବାରିପଦା ଉପଜିଲ୍ଲାପାଳ ପି ଅନେଶ୍ଵା ରେଡ୍ଡୀ ଉପସ୍ଥିତ ଥିଲେ । ତେବେ ରଥଯାତ୍ରା ହେବକି ନା ନାହିଁ ରାଜ୍ୟ ସରକାରଙ୍କ ଆଗାମୀ ନିଷ୍ପତ୍ତି ପରେ ଜଣାପଡିବ ବୋଲି କହିଛନ୍ତି ଉପ ଜିଲ୍ଲାପାଳ ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ