ରାଇରଙ୍ଗପୁରରେ ହାତୀ ଆତଙ୍କ, ଖାଇଗଲେ ୩.୫ କୁଇଣ୍ଟାଲ ଧାନ

ରାଇରଙ୍ଗପୁର ବନଖଣ୍ଡ ରାଇରଙ୍ଗପୁର ରେଞ୍ଜ ଅଧିନ କୁମ୍ଭାରଡୁବି ଓ କୁଆଳି ଗାଁରେ ହାତୀ ଉପଦ୍ରବ ଦେଖିବାକୁ ମିଳିଛି ।

ରାଇରଙ୍ଗପୁର: ମୟୂରଭଞ୍ଜ ଜିଲ୍ଲାରେ ପୁଣି ହାତୀ ଆତଙ୍କ । ଜିଲ୍ଲାରେ ଥମିବାର ନାଁ ଧରୁନି ହାତୀ ଆତଙ୍କ । ରାଇରଙ୍ଗପୁର ବନଖଣ୍ଡ ରାଇରଙ୍ଗପୁର ରେଞ୍ଜ ଅଧିନ କୁମ୍ଭାରଡୁବି ଓ କୁଆଳି ଗାଁରେ ହାତୀ ଉପଦ୍ରବ ଦେଖିବାକୁ ମିଳିଛି ।

କୁମ୍ଭାରଡୁବି ଗାଁରେ ହାତୀ ଜଣଙ୍କ ଘରର ଚାଳ ଭାଙ୍ଗିବା ସହ ଆସବାବପତ୍ର ନଷ୍ଟ କରିଥିବା ସୂଚନା ମିଳିଛି । ଏଥିସହ କୁଆଳି ଗାଁରେ ଦୁଇ ଜଣଙ୍କ ଘରୁ ପାଖାପାଖି 3.5 କୁଇଣ୍ଟାଲ ଧାନ ହାତୀ ଖାଇ ଦେଇଥିବା ଜଣାପଡିଛି ।

ଏନେଇ ଗ୍ରାମବାସୀଙ୍କ ମଧ୍ୟରେ ଭୟର ବାତାବରଣ ଖେଳିଯାଇଛି । ଗ୍ରାମବାସୀ ଆତଙ୍କିତ ଥିବାବେଳେ ରାଇରଙ୍ଗପୁର ବନବିଭାଗ ପକ୍ଷରୁ ହାତୀ ଘଉଡେଇବା ପାଇଁ କୌଣସି ସ୍ବତନ୍ତ୍ର ବ୍ୟବସ୍ଥା କରାଯାଉ ନଥିବାରୁ ଗ୍ରାମବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି ।

ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ