ରାଇରଙ୍ଗପୁର:ଜିଲ୍ଲାରେ ପୁଣି ଅଲୋଡା ସାବ୍ୟସ୍ତ ହୋଇଛି ନବଜାତ ଶିଶୁ କନ୍ୟା । ଗାଁରେ ଥିବା ଏକ ବୁଦା ମୂଳରୁ ଶିଶୁକନ୍ୟାଟିକୁ ଉଦ୍ଧାର କରିଛନ୍ତି ଗ୍ରାମବାସୀ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଗ୍ରାମାଞ୍ଚଳ ଥାନା ଅନ୍ତର୍ଗତ ତାମୁଡିଆ ଗ୍ରାମରେ ।
ପୁଣି ଅଲୋଡା ହେଲା ନବଜାତ ଶିଶୁ କନ୍ୟା, ବୁଦା ମୂଳରୁ ନବଜାତ ଶିଶୁକନ୍ୟା ଉଦ୍ଧାର
ସୂଚନାନୁସାରେ ଗ୍ରାମର ଏକ ବୁଦା ମୂଳରୁ ନବଜାତ ଶିଶୁକନ୍ୟାଟିକୁ ଗ୍ରାମବାସୀ ଉଦ୍ଧାର କରିଛନ୍ତି । ମଙ୍ଗଳବାର ସନ୍ଧ୍ୟା ସମୟରେ ବୁଦା ମୂଳରେ ପଡି ନବଜାତ ଶିଶୁକନ୍ୟାଟିର କାନ୍ଦ ଶୁଣି ଗ୍ରାମବାସୀ ଆସି ପହଁଞ୍ଚିବା ପରେ ସେହି ଗ୍ରାମର ମନୋଜ ପାତ୍ରଙ୍କ ସ୍ତ୍ରୀ ଅମ୍ବିକା ପାତ୍ର ଆଶାକର୍ମୀଙ୍କ ସହାୟତାରେ ଶିଶୁକନ୍ୟାଟିକୁ ଉଦ୍ଧାର କରି ୧୦୨ ଆମ୍ବୁଲାନ୍ସ ଯୋଗେ ରାଇରଙ୍ଗପୁର ଡାକ୍ତରଖାନାକୁ ଆଣିଛନ୍ତି ।