ବାରିପଦା: ମାନସିକ ବିକାରଗ୍ରସ୍ତ 21 ବର୍ଷୀୟ ଯୁବତୀଙ୍କୁ ଦୁଷ୍କର୍ମ ଅଭିଯୋଗ । ଅଭିଯୋଗ ଆସିଛି ବାରିପଦା ଟାଉନ ଥାନା ଅଞ୍ଚଳରୁ । ଘଟଣାରେ ଦୁଷ୍କର୍ମକାରୀ ଯୁବକଙ୍କୁ ଗିରଫ କରିଛି ଟାଉନ ଥାନା ପୋଲିସ ।
ମାନସିକ ବିକାରଗ୍ରସ୍ତ ଯୁବତୀକୁ ଦୁଷ୍କର୍ମ ଅଭିଯୋଗ, ଅଭିଯୁକ୍ତ ଯୁବକ ଗିରଫ
ଅଭିଯୋଗ ଅନୁସାରେ, ପୀଡିତା ଯୁବତୀଙ୍କ ବାପା ମାଆ କେହି ନଥିବାବେଳେ ପିଲାବେଳୁ ବାରିପଦା ସହରରେ ଜଣେ ସଂପର୍କୀୟଙ୍କ ଘରେ ରହିଆସୁଛନ୍ତି । ପରିବାରର ଆର୍ଥିକ ଅବସ୍ଥା ଭଲ ନଥିବାରୁ ଯୁବତୀ ଜଣକ ଲୋକଙ୍କ ଘରେ ବାସନ ମାଜି କିଛି ଅର୍ଥ ରୋଜଗାର କରି ପରିବାର ଚଳାଇବାରେ ସାହାଯ୍ୟ କରନ୍ତି । ଗତ ୧୬ ତାରିଖ ଶୁକ୍ରବାର ସନ୍ଧ୍ୟାରେ ଯୁବତୀ ଜଣକ ଲୋକଙ୍କ ଘରୁ କାମ ସାରି ଫେରୁଥିବା ରାସ୍ତାରେ ଅଭିଯୁକ୍ତ ଯୁବକ ହିମାଂଶୁ ରାମ ଯୁବତୀଙ୍କୁ ଗୁପ୍ଚୁପ୍ ଖୁଆଇବା ବାହାନା କରି ଡାକିନେଇଥିଲା । ନିକଟରେ ଥିବା ଏକ ନଦୀ କୂଳକୁ ଟେକିନେଇ ବଳପୂର୍ବକ ଦୁଷ୍କର୍ମ କରିଥିଲା ଏବଂ ଘଟଣା ବାବଦରେ କାହାକୁ କିଛି ନକହିବା ପାଇଁ ଧମକ ଦେଇଥିଲା ।