ରାଇରଙ୍ଗପୁର: ବାଇକକୁ ପଛପଟୁ ଧକ୍କାଦେଲା ଟ୍ୟାଙ୍କର । ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ଅନ୍ତର୍ଗତ ଚଢେଇଭୋଳ ଗ୍ରାମ ନିକଟ ୪୯ ନମ୍ବର ଜାତୀୟ ରାଜପଥରେ ଘଟିଛି ସଡକ ଦୁର୍ଘଟଣା । ଗୁରୁତର ଦୁଇଜଣଙ୍କୁ ମେଡିକାଲରେ ଭର୍ତ୍ତି କରାଯାଇଥିଲାବେଳେ କଟକ ସ୍ଥାନାନ୍ତର ବେଳେ ଜଣେ ମୃତ୍ୟୁବରଣ କରିଛନ୍ତି ।
ବାଇକକୁ ପଛପଟୁ ଧକ୍କାଦେଲା ଟ୍ୟାଙ୍କର, ଜଣେ ମୃତ ଜଣେ ଗୁରୁତର
ସୂଚନା ଅନୁଯାୟୀ କେନ୍ଦୁଝରରୁ ନିଜ ଘର କରଞ୍ଜିଆକୁ ଏକ ବାଇକ ଯୋଗେ ଆସୁଥିବା ବେଳେ ଚଢେଇଭୋଳ ଗ୍ରାମ ନିକଟସ୍ଥ ଜାତୀୟ ରାଜପଥରେ ଏକ ତୈଳ ବୋଝେଇ ଟ୍ୟାଙ୍କର ବାଇକକୁ ପଛପଟୁ ଧକ୍କା ଦେଇଥିଲା । ଫଳରେ ବାଇକରେ ଥିବା ଦୁର୍ଯ୍ୟୋଧନ ମହାନ୍ତ ଏବଂ ସୁରିଆ ବେହେରା ଗୁରୁତର ଆହତ ହୋଇଥିଲେ। ଉଭୟଙ୍କୁ ଉଦ୍ଧାର କରି କରଞ୍ଜିଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ତେବେ ସେଠାରେ ଉଭୟଙ୍କ ପ୍ରାଥମିକ ଚିକିତ୍ସା ପରେ ଅବସ୍ଥା ସଂକଟାପନ୍ନ ହେବାରୁ ଉଭୟଙ୍କୁ କଟକ ବଡ଼ ମେଡ଼ିକାଲ ସ୍ଥାନାନ୍ତର କରାଯାଇଥିଲା।