ରାଇରଙ୍ଗପୁର: ରେଳ ଧାରଣା ଉପରୁ ଯୁବକଙ୍କ ମୃତଦେହ ଉଦ୍ଧାର । ତାଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ହତ୍ୟା ସନ୍ଦେହ କରାଯାଉ ଥିବାରୁ ଅଧିକ ତଦନ୍ତ ପାଇଁ ବାରିପଦାରୁ ସାଇଣ୍ଟିଫିକ ଟିମ୍ କୁ ଡକାଇଛନ୍ତି ବହଳଦା ଥାନା ପୋଲିସ୍। ମୃତ ଯୁବକ ଜଣକ ହେଉଛନ୍ତି ମୟୂରଭଞ୍ଜ ଡଲସରା ପଡାଗ୍ରାମ ଚାଇଁବାସା ସାହିର ସୁରାଇ ହେମ୍ବ୍ରମ।
ସୂଚନା ଅନୁସାରେ, ଶନିବାର ଦଲସରା ଗ୍ରାମ ନିକଟସ୍ଥ ଜାରିତାଣ୍ଡି ଠାରେ ଗ୍ରାମାଞ୍ଚଳ ଫୁଟବଲ ପ୍ରତିଯୋଗିତା ଆୟୋଜିତ ହୋଇଥିଲା। ଫୁଟବଲ ଖେଳ ଦେଖିବା ପରେ ନିଶାଶକ୍ତ ଅବସ୍ଥାରେ ରେଳଧାରଣା ଦେଇ ନିଜ ଘରକୁ ଫେରୁଥିବା ବେଳେ ଲୁହାପଥର ବୋଝେଇ ରେଳଓ୍ବାଗନ ଦ୍ବାରା ଦୁର୍ଘଟଣାଗ୍ରସ୍ତ ହୋଇଥିବା ଅନୁମାନ କରାଯାଉଛି। ହେଲେ ରେଳ ଧାରଣା ଉପରେ ମୃତକଙ୍କ ମୁଣ୍ଡରେ ଆଘାତ କରି ହତ୍ୟା କରାଯାଇଥିବା ମଧ୍ୟ ସନ୍ଦେହ କରା ଯାଉଛି। ତେବେ କିଏ ଓ କାହିଁକି ତାଙ୍କୁ ହତ୍ୟା କରିଛନ୍ତି ସେନେଇ ପ୍ରଶ୍ନ ଉଠିଛି ।
ରାଇରଙ୍ଗପୁର ସଞ୍ଜୟ ପରିଡା, ଇଟିଭି ଭାରତ