ବାରିପଦା: ତୁହାକୁ ତୁହା ଲଗାଣ ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇଗଲାଣି । ମୟୂରଭଞ୍ଜରେ ଲଘୁଚାପ ବର୍ଷାର ପ୍ରଭାବରେ ଜଣଙ୍କର ମୃତ୍ୟୁ ଘଟିଛି ।
ମୟୂରଭଞ୍ଜରେ ଲଗାଣ ବର୍ଷାର ପ୍ରଭାବ, କାନ୍ଥ ପଡି ଜଣଙ୍କର ମୃତ୍ୟୁ
ସୂଚନା ଅନୁସାରେ ଶୁକ୍ରବାର ଲଗାଣ ବର୍ଷାରେ ରାସଗୋବିନ୍ଦପୁର ବ୍ଲକର ଖୁଣ୍ଟାପାଳ ଗ୍ରାମର ଶମ୍ଭୁନାଥ ପଲେଇଙ୍କ ସ୍ତ୍ରୀ ଦମୟନ୍ତୀ ପଲେଇଙ୍କର ମୃତ୍ୟୁ ଘଟିଛି । ଦମୟନ୍ତୀ ରୋଷେଇ କରୁଥିବା ସମୟରେ ମାଟି କାନ୍ଥ ପଡିଯିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । ସବୁଠାରୁ ଦୁଃଖର ବିଷୟ ଦମୟନ୍ତୀଙ୍କ ଝିଅର ବିବାହ ଆସନ୍ତା ୫ ତାରିଖରେ ହେବା ପାଇଁ ସ୍ଥିର ହୋଇଛି । କିନ୍ତୁ ଝିଅର ବିବାହ ଦେଖିବା ପୂର୍ବରୁ ଆଖି ବୁଜିଲେ ମା’ ।