ବାରିପଦା:ଔଷଧ ବୋତଲ ଭିତରୁ ବାହାରିଲା ମଲା ସାପଛୁଆ । ଏଭଳି ଘଟଣା ଦେଖିବାକୁ ମିଳିଛି ବାରିପଦା ପିଆରଏମ ହସ୍ପିଟାଲରେ । ସୂଚନା ଅନୁସାରେ, ବାରିପଦା ଟାଉନ ଥାନା ଅଧିନସ୍ଥ ଶୁନଗଡ଼ିଆ ନିବାସୀ ସେକ ସେରାଜୁଲଙ୍କ ୩ ବର୍ଷୀୟ ଶିଶୁ ଅସୁସ୍ଥ ହୋଇ ପଡିଥିଲା । ସେରାଜୁଲ ତାକୁ ରବିବାର ପିଆରଏମ ହସ୍ପିଟାଲକୁ ଚିକିତ୍ସା ପାଇଁ ନେଇ ଯାଇଥିଲେ। ଡାକ୍ତର ଦେଖି ସାରିବା ପରେ ମେଡିସିନ ପ୍ରେସକିପ୍ସନ ମଧ୍ୟ ଦେଇଥିଲେ। ସେକ ସେରାଜୁଲ ନିରାମୟରୁ ଔଷଧ ଆଣି ଛୁଆକୁ ଖୁଆଇବା ପାଇଁ ଯାଉଥିବା ସମୟରେ ସେ ସେହି ଔଷଧରେ କିଛି ପଡିଥିବାର ଦେଖିବାକୁ ପାଇଥିଲେ।
ଏ ନେଇ ସଙ୍ଗେ ସଙ୍ଗେ ଡାକ୍ତରଙ୍କୁ ଦେଖାଇଥିଲେ। ଡାକ୍ତର ବାବୁ ସେହି ଔଷଧକୁ ଦେଖି ସାରିବା ପରେ ତୁରନ୍ତ ସେହି ମେଡିସିନକୁ ଫିଙ୍ଗି ଦେବାପାଇଁ ବାଧ୍ୟ କରିଥିଲେ। ନିରାମୟରେ ଅଭିଯୋଗ କରିଥିଲେ । ହେଲେ କର୍ତ୍ତୃପକ୍ଷ ତାଙ୍କୁ ଚିରାଚରିତ ଉତ୍ତର ଦେଇଥିଲେ । ଆମେ କଣ କରିବୁ ତୁମେ କମ୍ପାନୀକୁ ଅଭିଯୋଗ କର ବୋଲି ସେରାଜୁଲଙ୍କୁ କହିଥିଲେ । ଯାହା ସରକାରଙ୍କ ପକ୍ଷରୁ ଦିଆଯାଉଛି ତାହା ଆମେ କେବଳ ଦେଉଛୁ।