ରାଇରଙ୍ଗପୁର: ସରିଲା ଶ୍ରାବଣ ମାସର ଶେଷ ସୋମବାର । ଏହି ଉପଲକ୍ଷେ ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ସହରର ବିଭିନ୍ନ ଶୈବପୀଠରେ ଲାଗିଥିଲା ଭକ୍ତ ଓ ଶ୍ରଦ୍ଧାଳୁଙ୍କ ଭିଡ ।
ବର୍ଫାନି ବେଶ ଦେଖିବାକୁ ମନ୍ଦିରରେ ଶ୍ରଦ୍ଧାଳୁଙ୍କ ଭିଡ
ମାନସିକ ରଖି ଶ୍ରଦ୍ଧାଳୁ ତଥା କାଉଡିଆ ମହାଦେବଙ୍କୁ ଜଳାଭିଷେକ କରିଥିଲେ । ଏହି ଅବସରରେ ରାଇରଙ୍ଗପୁର ସହରର ମୁଖ୍ୟ ଆକର୍ଷଣର କେନ୍ଦ୍ରବିନ୍ଦୁ ପାଲଟିଥିଲା ଶ୍ରୀ ଶ୍ରୀ ଖଡକେଶ୍ବର ମହାଦେବ ମନ୍ଦିର।
ଏଠାରେ ଶ୍ରାବଣ ମାସର ପ୍ରତ୍ୟେକ ସୋମବାର ବାବାଙ୍କୁ ଆଲଗା ଅଲଗା ବେଶରେ ଶୃଙ୍ଗାର କରା ଯାଇଥାଏ। ଏହି ସୋମବାର ବାବାଙ୍କୁ ବର୍ଫାନି ବେଶରେ ଶୃଙ୍ଗାର କରାଯାଇଛି। ଆଜି (ସୋମବାର) ଖଡକେଶ୍ବର ମହାଦେବ ମନ୍ଦିରରେ ବରଫରେ ତିଆରି ହୋଇଥିବା ବର୍ଫାନି ବାବାଙ୍କ ଦର୍ଶନ ଲାଭ କରିଥିଲେ ଶ୍ରଦ୍ଧାଳୁ। ଏଠାରେ ମହାଦେବ ମନ୍ଦିରର ସାଜସଜ୍ଜା ଦେଖିବା ପାଇଁ ବେଶ ଭିଡ ପରିଲକ୍ଷିତ ହୋଇଥିଲା।