ବାରିପଦା: ୱାଲିଗଞ୍ଜ ନିକଟ ରେଳଧାରଣାରୁ ଜଣେ ଯୁବକଙ୍କ ମୃତଦେହ ଉଦ୍ଧାର। ବିଦ୍ୟୁତ ତାର ଚୋରି କରୁଥିବା ବେଳେ ଦୁର୍ଘଟଣା ଘଟି ମୃତ୍ୟୁବରଣ କରିଥିବା ଅନୁମାନ କରାଯାଉଛି। ରେଳ ଧାରଣାରୁ ଯୁବକଙ୍କ ମୃତଦେହ ଉଦ୍ଧାର। ଏଭଳି ଘଟଣା ଘଟିଛି ବାରିପଦା ସହର ୱାର୍ଡ ନମ୍ବର ୩ର ୱାଲିଗଞ୍ଜ ନିକଟରେ।
ମୃତ ଯୁବକ ଜଣଙ୍କ ହେଲେ ବାରିପଦା ଟାଉନ ଥାନା ଅନ୍ତର୍ଗତ ବିଜୟରାମଚନ୍ଦ୍ରପୁର ଅଞ୍ଚଳର ଚନ୍ଦନ ସରକାର ବୋଲି ଜଣାପଡିଛି । ତେବେ ରେଳ ବିଭାଗ ପକ୍ଷରୁ ନୂତନ ଭାବେ ବିଦ୍ୟୁତିକରଣ ପାଇଁ ଚାଲିଥିବା କାର୍ଯ୍ୟରେ କପର ତାର ଚୋରି କରୁଥିବା ସମୟରେ ଖୁଣ୍ଟରୁ ଖସି ଯୁବକଙ୍କ ମୃତ୍ୟୁ ହୋଇଥିବା ଅନୁମାନ କରାଯାଉଛି । ଅନ୍ୟପକ୍ଷେ ମୃତ୍ୟୁର ସଠିକ କାରଣ ପୋଲିସ ତଦନ୍ତ ପରେ ପଦାକୁ ଆସିବ। ଖବର ପାଇ ଘଟଣାସ୍ଥଳରେ ରେଲୱେ ପୋଲିସ ପହଞ୍ଚି ମୃତଦେହ ଜବତ କରିବା ସହ ଅଧିକ ତଦନ୍ତ ଜାରି ରଖିଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ