ରାଇରଙ୍ଗପୁର: ଦେଶୀ ମଦ ଚାଲାଣ କରୁଥିବା ବେଳେ ଅବକାରୀ ବିଭାଗ ହାତରେ ଧରାପଡ଼ିଲା ମଦ ବେପାରୀ । ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ସହରର ଜଗନ୍ନାଥ ମାର୍କେଟ ନିକଟରେ ମଙ୍ଗଳବାର ଚୋରାରେ ଦେଶୀ ମଦ ଚାଲାଣ କରୁଥିବା ସମୟରେ ମଦ ବେପାରୀ ଗିରଫ । ସଂପୃକ୍ତ ଅଭିଯୁକ୍ତଙ୍କ ନାମ କାଳି ଚରଣ ମାହାଲି ହୋଇଥିବା ଜଣାପଡ଼ିଛି ।
ସୂଚନା ଅନୁଯାୟୀ, ରାଇରଙ୍ଗପୁର ସହରର ଗ୍ରାମାଞ୍ଚଳ ଥାନା ଅଧୀନ ପିଠାକୁଟୁଣି ଗ୍ରାମର କାଳି ଚରଣ ଏକ ସ୍କୁଟି ଯୋଗେ 31 ବୋତଲରେ ପ୍ରାୟ 65 ଲିଟର ଦେଶୀ ମହୁଲି ମଦ ନେଇ ଯାଉଥିଲେ । ଏହି ସମୟରେ ଜଗନ୍ନାଥ ମାର୍କେଟ ନିକଟରେ ଅବକାରୀ ବିଭାଗ କାବୁ କରିଥିଲା। ରାଇରଙ୍ଗପୁର ଅବକାରୀ ବିଭାଗର ଭାରପ୍ରାପ୍ତ ଅଧିକାରୀ ହରିହର ସିଂହ ସଦଳବଳେ ଚଢ଼ାଉ କରି ସ୍କୁଟି ଓ ଦେଶୀ ମଦ ଜବତ କରିଛି । ଅଭିଯୁକ୍ତ ବେପାରୀ କାଳି ଚରଣକୁ ଗିରଫ କରାଯାଇଛି । ତେବେ ତାଙ୍କୁ ଖୁବଶୀଘ୍ର କୋର୍ଟ ଚାଲଣ କରାଯିବ ବୋଲି ଅବକାରୀ ବିଭାଗ ପକ୍ଷରୁ ସୂଚନା ମିଳିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡ଼ା, ଇଟିଭି ଭାରତ
