ରାଇରଙ୍ଗପୁର: ୪୯ ନମ୍ବର ଜାତୀୟ ରାଜପଥରେ ଟ୍ରକ ଚାଳକଙ୍କ ନିକଟରୁ ଲୁଟ ଓ ପରେ ଟ୍ରକ ଚାଳକକୁ ହତ୍ୟା ଘଟଣାରେ ପାଞ୍ଚ ଜଣ ହାଇୱେ ଲୁଟେରାଙ୍କୁ ଧରିବାରେ ସଫଳ ହୋଇଛି ବିଶୋଇ ଥାନା ପୋଲିସ।
୪୯ ନମ୍ବର ଜାତୀୟ ରାଜପଥ ଲୁଟ ଓ ଟ୍ରକ ଚାଳକ ହତ୍ୟା ଘଟଣା; ପାଞ୍ଚ ଜଣ ଗିରଫ
ସୂଚନାଯୋଗ୍ୟ ଯେ, ଗତ ୧୬/୦୮/୨୦୨୧ ତାରିଖରେ ମୟୂରଭଞ୍ଜ ଜିଲ୍ଲା ବିଶୋଇ ଥାନା ଅନ୍ତର୍ଗତ ଧାଙ୍ଗୁଡିମୁସା ଗ୍ରାମ ନିକଟସ୍ଥ ୪୯ ନମ୍ବର ଜାତୀୟ ରାଜପଥରେ ଘଟିଥିଲା ଏକ ଲୁଟ ଓ ହତ୍ୟା ଘଟଣା। ନାଗପୁରରୁ କଲିକତା ଅଭିମୁଖେ ଯାଉଥିବା ଏକ ମାଲ୍ ବୋଝେଇ ଟ୍ରକ ଚାଳକ ଓ ହେଲପର ଏହି ଲୁଟର ଶିକାର ହୋଇଥିଲେ। ବିଳମ୍ବିତ ରାତିରେ କିଛି ଦୁର୍ବୃତ୍ତ ଟ୍ରକ ଡ୍ରାଇଭର ଯିଏକି ମହାରାଷ୍ଟ୍ରର ମଣ୍ଟୁ ରାଜପୁତ, ତାଙ୍କ ପାଖରୁ ଟଙ୍କା ପଇସା ଲୁଟ କରି ତାଙ୍କୁ ହତ୍ୟା କରିଥିବା ଅଭିଯୋଗ କରିଥିଲେ ହେଲପର ଜଣକ।