ରାଇରଙ୍ଗପୁର: ଠାକୁରମୁଣ୍ଡା ଥାନା ପୋଲିସକୁ ମିଳିଛି ବଡ ସଫଳତା । ଗୁରୁବାର ପୋଲିସ ପାଟ୍ରୋଲିଂ କରୁଥିବାବେଳେ ମୂଲ୍ୟବାନ କାଠ ସହ ଏକ ପିକଅପ ଭ୍ୟାନ, ଗୋଟିଏ ଇଣ୍ଡିଗୋ କାର ଏବଂ ୫ ଜଣକୁ ସନ୍ଦେହରେ ଅଟକ ରଖିଛି ।
ସୂଚନା ଅନୁଯାୟୀ, ଦିନକୁ ଦିନ ଜଙ୍ଗଲ ଦ୍ରୁତ ଗତିରେ କ୍ଷୟ ହେଉଥିବାବେଳେ ଏପଟେ ଜଙ୍ଗଲ ମାଫିଆଙ୍କ ଚୋରା କାଠ ଚାଲାଣ ବନ ବିଭାଗର ନିଦ ହଜାଇ ଦେଇଛି । ତେଣୁ ଏନେଇ ଗୁରୁବାର ଭୋର ସମୟରେ ମୟୂରଭଞ୍ଜ ଜିଲ୍ଲା ଠାକୁରମୁଣ୍ଡା ଥାନା ପୋଲିସ ପାଟ୍ରୋଲିଂ କରୁଥିବାବେଳେ ଏକ ଇଣ୍ଡିଗୋ କାର, ପିକଅପ ଭ୍ୟାନ ଦେଖି ସନ୍ଦେହ କରିଥିଲା ।
ଭିଡିଓ ସୌଜନ୍ୟ:ପ୍ରତିନିଧି, ରାଇରଙ୍ଗପୁର
ଏହାପରେ ଉକ୍ତ ଦୁଇ ଗାଡିକୁ ଅଟକାଇ ଯାଞ୍ଚ କରିବା ପାଇଁ ଯାଉଥିବାବେଳେ କାଠ ମାଫିଆ ଗାଡିକୁ ଦ୍ରୁତ ଗତିରେ ଚଳାଇ ଖସି ପଳାଇବା ପାଇଁ ଚେଷ୍ଟା କରିଥିଲେ । ତେବେ ପୋଲିସ ଗାଡିର ପିଛା କରି ଠାକୁରମୁଣ୍ଡା ବଜାର ମଧ୍ୟରେ ଗାଡି ଗୁଡିକୁ କାବୁ କରିବାରେ ସକ୍ଷମ ହୋଇଥିଲେ।