ରାଇରଙ୍ଗପୁର :ମୟୂରଭଞ୍ଜ ଜିଲ୍ଲା ବହଳଦା ଥାନା ଅନ୍ତର୍ଗତ କାନାରା ବ୍ୟାଙ୍କ ଅଁଳାଯୋଡି ଶାଖାରେ ଗତକାଲି ବିଳମ୍ବିତ ରାତିରେ ୩ ଲକ୍ଷ ଟଙ୍କା ଚୋରି ହୋଇଥିବା ଜଣାପଡିଛି । ଶନିବାର ଓ ରବିବାର ସପ୍ତାହନ୍ତ ସଟଡାଉନର ସୁଯୋଗ ନେଇ ବ୍ୟାଙ୍କ ଶାଖାର ପଛ କାନ୍ଥରେ ଥିବା ଲୁହା ଝରକା ତାଡ଼ି ଚୋରି ହୋଇଥିବା ପାରିପାର୍ଶ୍ବିକ ସ୍ଥିତିରୁ ଜଣାପଡିଛି । ତେବେ ଶନିବାର ଓ ରବିବାର ଦୁଇ ଦିନ ବ୍ୟାଙ୍କ ବନ୍ଦ ରହିଥିବାବେଳେ କେବେ ଚୋରି ହୋଇଛି ତାହା ସ୍ପଷ୍ଟ ହୋଇ ପାରିନାହିଁ ।
ଝରକା କାଟି ବ୍ୟାଙ୍କ ଶାଖାରୁ ୩ ଲକ୍ଷ ଚୋରି, ତଦନ୍ତ ଆରମ୍ଭ
ବ୍ୟାଙ୍କରେ ଥିବା ସିସିଟିଭି ଡିଭିଆରକୁ ଦୁର୍ବୃତ୍ତମାନେ ନେଇ ଯାଇଥିବାବେଳେ ଲକରକୁ ଗ୍ୟାସ କଟରରେ କାଟି ପାଖାପାଖି ୩ ଲକ୍ଷ ଟଙ୍କା ଚୋରି କରି ନେଇ ଖସି ପଳାଇ ଯାଇଛନ୍ତି । ତେବେ ଆଜି ବ୍ୟାଙ୍କ କର୍ମଚାରୀମାନେ ଚୋରି ସମ୍ପର୍କରେ ଜାଣିବା ପରେ ବହଳଦା ଥାନାକୁ ଅବଗତ କରାଇଥିଲେ । ପରେ ସ୍ଥାନୀୟ ପୋଲିସ ସହ ରାଇରଙ୍ଗପୁର ଏସଡିପିଓ, ଏଏସପି ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ଅଧିକ ତଦନ୍ତ ପାଇଁ ବାରିପଦାରୁ ସାଇଣ୍ଟିଫିକ ଟିମକୁ ମଧ୍ୟ ଡକାଯାଇଛି ।