ରାଇରଙ୍ଗପୁର: ସଂଘବଦ୍ଧ ଭାବେ ସ୍ବାମୀ ଓ ସ୍ତ୍ରୀକୁ ଗୋଡ଼ାଇ ଗୋଡ଼ାଇ ହାଣିଲେ ତିନି ଭାଇ। ଏପରି ଏକ ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ରରୁଆଁ ଥାନା ଅଧୀନ କାଶିଆ ଗ୍ରାମରେ । ସୂଚନା ଅନୁଯାୟୀ ଗତକାଲି କୌଣସି କାରଣରୁ କାଶିଆ ଗ୍ରାମର ତିନି ଭାଇ କରୁଣାକର ନାଏକ, ଶ୍ରୀକାନ୍ତ ନାଏକ ଓ ମିଶ୍ର ନାଏକ ସେହି ଗ୍ରାମର ଅନାମ ନାଏକ ନାମକ ଯୁବକ ଏବଂ ତାଙ୍କ ସ୍ତ୍ରୀ ବିଟି ନାଏକଙ୍କୁ ଗାଁ ଦାଣ୍ତରେ ଗୋଡ଼ାଇ ଗୋଡ଼ାଇ ଏକ କୋଦାଳ ସାହାଯ୍ୟରେ ହାଣିଥିଲେ। ଯାହା ଫଳରେ ଘଟଣାସ୍ଥଳରେ ଅନାମ ନାଏକଙ୍କ ଶୋଚନୀୟ ମୃତ୍ୟୁ ଘଟିଥିଲା ଏବଂ ତାଙ୍କ ସ୍ତ୍ରୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ କରଞ୍ଜିଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି।
ତେବେ ହତ୍ୟାକାଣ୍ଡର କାରଣ ଅସ୍ପଷ୍ଟ ଥିବାବେଳେ ସମାନ୍ୟ କାଠ କଟାକୁ ନେଇ ହତ୍ୟାକାଣ୍ଡ ଘଟିଥିବା ସୂଚନା ମିଳିଛି । ସେପଟେ ମୁଖ୍ୟ ଅଭିଯୁକ୍ତ କରୁଣାକର ନାଏକ ଓ ତାଙ୍କ ଭାଇ ଶ୍ରୀକାନ୍ତ ନାଏକ ସିଙ୍ଗଡ଼ା ଫାଣ୍ଡିରେ ଆତ୍ମସମର୍ପଣ କରିଥିବା ବେଳେ ଅନ୍ୟ ଜଣେ ଭାଇ ମିଶ୍ର ନାଏକ ଫେରାର ଥିବା ଜଣାପଡ଼ିଛି।