ରାଇରଙ୍ଗପୁର: ବହୁ ଚର୍ଚ୍ଚିତ ଅଧ୍ୟାପିକା ଆତ୍ମହତ୍ୟା ଘଟଣାରେ ଆଉ ଦୁଇ ଅଭିଯୁକ୍ତ ଗିରଫ । ବର୍ତ୍ତମାନ 6 ଜଣକୁ ଗିରଫ କଲାଣି ପୋଲିସ । ଅଧ୍ୟାପିକାଙ୍କୁ ବାରମ୍ବାର ଫୋନ କରି ତାଙ୍କୁ ମାନସିକ ନିର୍ଯାତନା ଦେବା ସହ ଆତ୍ମହତ୍ୟା ପାଇଁ ଉସୁକାଇବା ଅଭିଯୋଗରେ ଏହି ଦୁଇ ଜଣକୁ ଗିରଫ କରାଯାଇଛି । ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଟାଉନ ଥାନାର ନିକଟସ୍ଥ ଜଣେ ଅଧ୍ୟାପିକାଙ୍କୁ ଦୁଷ୍କର୍ମ ହୋଇଥିବାବେଳେ ପରେ ସେ ଆତ୍ମହତ୍ୟା କରିଥିଲେ ।
ଅଧ୍ୟାପିକା ଆତ୍ମହତ୍ୟା ଘଟଣାରେ ଆଉ ଦୁଇ ଅଭିଯୁକ୍ତ ଗିରଫ
ଏହି ଘଟଣାରେ ତଦନ୍ତ କରୁଥିବା ମୟୂରଭଞ୍ଜ ଏସପି ଏକ ବିଶେଷ ସୂତ୍ରରୁ ଖବର ପାଇ ଯାଜପୁର ରୋଡ ଷ୍ଟେସନରେ ଚଢାଉ କରିଥିଲେ । ଏହି ସମୟରେ ଉମାଦେଇପୁରର ଭାଉଜ ମିନ୍ମୟୀ ସାହୁ ଓ ଘସିପୁରାର ଶୈଳବାଳା ସାହୁଙ୍କୁ ଗିରଫ କରାଯାଇଛି । ଗିରଫ ପରେ ଉଭୟଙ୍କୁ କୋର୍ଟ ଚାଲାଣ କରାଯାଇଛି ।