ବାରିପଦା: ମୟୂରଭଞ୍ଜ ଜିଲ୍ଲାରୁ କୋଭିଡ-୧୯ ପରୀକ୍ଷା ପାଇଁ ମୋଟ ୫୪୩ ଟି ନମୁନା ଯାଇଥିବା ବେଳେ ସେଥିମଧ୍ୟରୁ ୨୮୬ ଟି ନମୁନା ନେଗେଟିଭ ଆସିଛି । ବର୍ତ୍ତମାନ ପର୍ଯ୍ୟନ୍ତ ଜିଲ୍ଲାରେ ଜଣେ ବି କୋରୋନା ପଜିଟିଭ ନ ଥିବା ବେଳେ ଆଉ ୨୫୭ଟି ନମୁନାର ରିପୋର୍ଟ ଆସିବା ବାକି ଅଛି ।
ଅନ୍ୟପକ୍ଷରେ ମୟୂରଭଞ୍ଜ ଜିଲ୍ଲାକୁ ବାହାର ରାଜ୍ୟରୁ ୧୨ ହଜାର ୪୬୯ ଜଣ ବ୍ୟକ୍ତି ଆସିଛନ୍ତି । ସେମାନଙ୍କ ମଧ୍ୟରୁ ୧୧ ହଜାର ୯୪୦ ଜଣଙ୍କ କ୍ବାରେନଣ୍ଟାଇନ ସମାପ୍ତ ହୋଇଛି । ୫୨୯ ଜଣ ଏବେ ବି କ୍ବାରେନଣ୍ଟାଇନରେ ଅଛନ୍ତି । ତେବେ ପଶ୍ଚିମବଙ୍ଗ ଲିଙ୍କରୁ ଓଡ଼ିଶାରେ କୋରୋନା ଆକ୍ରାନ୍ତଙ୍କ ସଂଖ୍ୟା ବଢୁଥିବାରୁ ପୋଲିସ ଓଡିଶା-ପଶ୍ଚିମବଙ୍ଗ ବର୍ଡରରେ ସୁରକ୍ଷା ଓ ଯାଞ୍ଚ ପ୍ରକ୍ରିୟାକୁ ବଢ଼ାଇ ଦିଆଯାଇଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
