ରାଇରଙ୍ଗପୁର: ମୟୂରଭଞ୍ଜ ଜିଲ୍ଲାରେ ଭଞ୍ଜସେନା ଜାଗ୍ରତ ପ୍ରହରୀଙ୍କ ପକ୍ଷରୁ 24 ଘଣ୍ଟିଆ ଅର୍ଥନୈତିକ ଅବରୋଧ ହୋଇଛି । ସରକାର ଆମକୁ ରୋଜଗାର ଦିଅ ଲୁହାପଥର ନିଅ ନାରା ଦେଇ ସକାଳ 6ଟାରୁ ଭଞ୍ଜସେନା ଦଳ ଅବରୋଧ ଆରମ୍ଭ କରିଛି ।
ରାଇରଙ୍ଗପୁରରେ ଭଞ୍ଜସେନା ପକ୍ଷରୁ 24ଘଣ୍ଟିଆ ଅର୍ଥନୈତିକ ଅବରୋଧ
ମୟୂରଭଞ୍ଜ ଜିଲ୍ଲା ଖଣି ପ୍ରାଧାନ୍ୟ ଜିଲ୍ଲା । ଏଠୁ ଲୁହାପଥର ବାହାର ରାଜ୍ୟକୁ ରପ୍ତାନୀ ହେଉଛି । ବାହାର ରାଜ୍ୟ ଲୋକେ ରୋଜଗାର ପାଉଛନ୍ତି । ହେଲେ ଲୁହାପଥର ଜିଲ୍ଲାର ଲୋକଙ୍କୁ କିଛି ସୁବିଧା ନାହିଁ । ସେମାନେ ରୋଜଗାର ଅଭାବରୁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଏ ଅଞ୍ଚଳରେ ଆଜି ପର୍ଯ୍ୟନ୍ତ କୌଣସି ଶିଳ୍ପ ପ୍ରତିଷ୍ଠା ହୋଇପାରିନାହିଁ । ସେମାନଙ୍କର ଏହି ଅସୁବିଧାକୁ ଦୂର କରି ସେମାନଙ୍କୁ ରୋଜଗାର ଦେବାକୁ ଦାବି କରିଛନ୍ତି ରାଇରଙ୍ଗପୁରର ଜାଗ୍ରତ ପ୍ରହରୀ ।