ରାଇରଙ୍ଗପୁର: ମୟୂରଭଞ୍ଜ ଜିଲ୍ଲାର କରଞ୍ଜିଆ ବ୍ଲକ ସମ୍ମୁଖରେ ଦେଖିବାକୁ ମିଳିଛି କିଛି ଅଭାବନୀୟ ଦୃଶ୍ୟ । କରଞ୍ଜିଆ ବ୍ଲକ ପରିସରରେ ୧୩ ଜଣ ସମିତି ସଭ୍ୟ ବିଡିଓଙ୍କ ମନମୁଖୀ କାର୍ଯ୍ୟ କରୁଥିବାର ଅଭିଯୋଗ କରି ଧାରଣାରେ ବସିଥିଲେ । କିଛି ସମୟ ବସିବା ପରେ ବ୍ଲକ ସମ୍ମୁଖ ଗେଟ ନିକଟରେ ପୂଜାର୍ଚ୍ଚନା କରିଥିଲେ । ତେବେ ୧୩ ଜଣ ସମିତି ସଭ୍ୟଙ୍କ ଉପସ୍ଥିତିରେ କୁକୁଡ଼ା ପୂଜା କରାଯାଇଥିଲା ।
ବ୍ଲକ ସମ୍ମୁଖରେ ଅଭାବନୀୟ ଦୃଶ୍ୟ, କୁକୁଡ଼ା ପୂଜା କଲେ ସମିତି ସଭ୍ୟ
ସେମାନେ ଅଭିଯୋଗ କରିଛନ୍ତି ଯେ, ବିଡିଓଙ୍କ ମୁଣ୍ଡ କାମ କରୁନି ସେଥିପାଇଁ ପୂଜାର୍ଚ୍ଚନା କରାଯାଉଛି । ହାଣ୍ଡିଆ, ଚାଉଳ, ଧୂପ ଇତ୍ୟାଦି ସହ ଦୁଇଟି କୁକୁଡ଼ା ଦେଇ ପୂଜାର୍ଚ୍ଚନା କରାଯାଇଛି । ସମିତି ସଭ୍ୟ ଗୁଣାରାମ ସୋଏ ପ୍ରକାଶ କରିଛନ୍ତି ଯେ, ସେ ତିନି ଦିନ ତଳେ ସ୍ବପ୍ନ ଦେଖିଥିଲେ । ସେଥିପାଇଁ ପୂଜାର୍ଚ୍ଚନା କରିଛନ୍ତି । ଯଦି କିଛି ଦିନ ଭିତରେ ପରିସ୍ଥିତି ଶାନ୍ତ ନ ହୁଏ ତେବେ ଆଗାମୀ ଦିନରେ ବୋଦା ଏବଂ ଘୁଷୁରୀ ପୂଜା କରାଯିବ ବୋଲି ସେ ସୂଚନା ଦେଇଛନ୍ତି ।