୧୧ ଟିକିଆ ହାତୀପଲଙ୍କ ଉପଦ୍ରବ, ଲୋକେ ଆତଙ୍କିତ

ରାଇରଙ୍ଗପୁର ବନଖଣ୍ଡ ଅଞ୍ଚଳରେ ୧୧ ଟିକିଆ ହାତୀପଲଙ୍କ ଉପଦ୍ରବ, ସ୍ଥାନୀୟ ଲୋକେ ଆତଙ୍କିତ। ଅଧିକ ପଢନ୍ତୁ

ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ବନଖଣ୍ଡ ମଣଦା ରେଞ୍ଜ ଅନ୍ତର୍ଗତ ଲୁହାବାଳିଆ, ଜାମିରଡିହା ଓ ଜୁଡିଆ ଗ୍ରାମରେ ଆଜି ହାତୀ ଉପଦ୍ରବ ଦେଖିବାକୁ ମିଳିଛି । ବାଙ୍ଗିରିପୋଷି ରେଞ୍ଜ ଅଧିନସ୍ଥ ଜଙ୍ଗଲରୁ ଉକ୍ତ ୧୧ ଟିକିଆ ହାତୀପଲ ଆସି ବ୍ୟାପକ ଧାନଫସଲ ଖାଇ ଦଳି ଚକଟି ନଷ୍ଟ କରିବା ସହ ଜୁଡିଆ ଗ୍ରାମ ଦେଇ ଜାମିରଡିହା ଗ୍ରାମକୁ ପହଞ୍ଚିଥିଲେ ।

ତେବେ ଶିମିଳିପାଳ ଜଙ୍ଗଲ ମଧ୍ୟକୁ ପ୍ରବେଶ କରିନପାରି ଦିନବେଳେ ଲୁହାବାଳିଆ ଗ୍ରାମ ନିକଟରେ ଥିବା ବେଳେ ଏବେ କାଦୁଆଣୀ ଗ୍ରାମ ନିକଟସ୍ଥ ଏକ ଜଙ୍ଗଲରେ ଆଶ୍ରୟ ନେଇଥିବା ବନବିଭାଗ ପକ୍ଷରୁ ସୂଚନା ମିଳିଛି । ସେପଟେ ସ୍ଥାନୀୟ ଲୋକେ ହାତୀପଲକୁ ନେଇ ଆତଙ୍କିତ ଥିବାବେଳେ ବନବିଭାଗ ହାତୀପଲକୁ ଘଉଡ଼ାଇବାକୁ ଚେଷ୍ଟା ଜାରି ରଖିଛି।

ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ