ବାରିପଦା: ପୁଣି ଅଲୋଡା ହେଲା ଶିଶୁକନ୍ୟା । ପୁଅ ଓ ଝିଅଙ୍କ ମଧ୍ୟରେ ଭେଦଭାବ ଦୂର କରିବାକୁ ଉଭୟ କେନ୍ଦ୍ର ଓ ରାଜ୍ୟ ସରକାର ଅନେକ ଯୋଜନା କରିଥିଲେ ବି ଲୋକଙ୍କ ମାନସିକତାରେ ପରିବର୍ତ୍ତନ ଆସିପାରୁନି । ମୟୂରଭଞ୍ଜ ଜିଲ୍ଲା ବେତନଟୀ ଅଞ୍ଚଳରେ ସ୍ପଷ୍ଟ ଦିବାଲୋକରେ ଜଣେ ୧୦ ରୁ ୧୫ ଦିନର ଶିଶୁକନ୍ୟାକୁ ବେତନଟୀ ସ୍ବାସ୍ଥ୍ୟକେନ୍ଦ୍ର ପରିସରରୁ ଉଦ୍ଧାର କରାଯାଇଛି ।
ବେତନଟୀ ସ୍ବାସ୍ଥ୍ୟକେନ୍ଦ୍ର ପରିସରରୁ ଉଦ୍ଧାର
କିଏ ଓ କାହିଁକି ଏହି ଶିଶୁକନ୍ୟାଟିକୁ ଡାକ୍ତରଖାନା ବାରଣ୍ଡାରେ ଛାଡି ଚାଲିଗଲା ତାହା ଏପର୍ଯ୍ୟନ୍ତ ଜଣା ପଡିନାହିଁ । ହସ୍ପିଟାଲ ବାରଣ୍ଡାରେ କାନ୍ଦୁଥିବା ବେଳେ ଶିଶୁଟି ନର୍ସଙ୍କ ନଜରରେ ପଡିଥିଲା । ତେବେ କିଏ ଶିଶୁକନ୍ୟାକୁ ଛାଡି ଯାଇଛି ଜଣାପଡି ନଥିବାବେଳେ ହସ୍ପିଟାଲ କର୍ତ୍ତୃପକ୍ଷ ଶିଶୁକନ୍ୟାର ସ୍ବାସ୍ଥ୍ୟ ପରୀକ୍ଷା ପରେ ଶିଶୁଟି ସୁସ୍ଥଥିବା କହିଛନ୍ତି ମେଡିକାଲ କର୍ତ୍ତୃପକ୍ଷ ।