ମାଲକାନଗିରି: ଆନ୍ତର୍ଜାତୀୟ ମହିଳା ଦିବସରେ ଆଜି ମାଲକାନଗିରି ସୀମାନ୍ତ ଛତିଶଗଡ଼ର ଦାନ୍ତେୱାଡାରେ, ଦନ୍ତେଶ୍ବରୀ ମହିଳା ଯୁଦ୍ଧ କମାଣ୍ଡୋ ଦଳ ନକ୍ସଲ ଅଞ୍ଚଳରେ ପ୍ରବେଶ କରୁଥିବା ନକ୍ସଲମାନଙ୍କୁ ଚ୍ୟାଲେଞ୍ଜ କରିଛନ୍ତି । ସେମାନେ ମାଓବାଦୀଙ୍କ ସହିଦ ସ୍ତମ୍ଭ ଧ୍ବଂସ କରିଛନ୍ତି ।
ମହିଳା ଯୁଦ୍ଧ କମାଣ୍ଡୋଙ୍କ ଦଳ ମା' ଦୁର୍ଗାଙ୍କ ଭଳି ଆରାନପୁର ପୋଲିସ ଷ୍ଟେସନ ଅଞ୍ଚଳର ଜାଭେଲି ଗ୍ରାମରେ ମାଓବାଦୀ ନେତା ଭୀମାଙ୍କ ଦ୍ବାରା ନିର୍ମିତ ସ୍ମାରକକୁ ଭାଙ୍ଗି ଦେଇଛନ୍ତି। ତେବେ ଡିଆର୍ଜି ଟିମ୍ ସେଠାରେ ପହଞ୍ଚିଥିଲେ। ଗ୍ରାମବାସୀଙ୍କ କହିବାନୁସାରେ ନକ୍ସଲମାନେ ସେମାନଙ୍କୁ ଜବରଦସ୍ତ ଚାପ ପକାଇ ଏକ ସ୍ମାରକୀ ନିର୍ମାଣ କରିଥିଲେ। ଯାହା ଆଜି ଅନ୍ତର୍ଜାତୀୟ ମହିଳା ଦିବସରେ ମହିଳା କମାଣ୍ଡୋ ଦ୍ବାରା ଭାଙ୍ଗି ଦିଆଯାଇଥିଲା।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ