ମାଲକାନଗିରି:ଲଘୁଚାପ ପ୍ରଭାବରେ ମାଲକାନିଗିରି ଜିଲ୍ଲାରେ ଲାଗିରହିଛି ପ୍ରବଳ ବର୍ଷା । ଫଳରେ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । ତିନିଦିନ ଧରି ଲଗାଣ ବର୍ଷା ଯୋଗୁଁ ଜିଲ୍ଲାର ସୀମାନ୍ତ ସୁକୁମା ନଦୀରେ ବନ୍ୟା ଜଳ ଆସିବା ଯୋଗୁଁ ରାସ୍ତା ଉପରେ ୨ଫୁଟ ଉଚ୍ଚତାର ପାଣି ପ୍ରବାହିତ ହେଉଛି ।
ଜଳବନ୍ଦୀ ସମସ୍ୟା ଯୋଗୁଁ ମାଲକାନଗିରି ଓ ଛତିଶଗଡ଼ର ସୁକୁମା ମଧ୍ୟରେ ଯୋଗାଯୋଗ ସମ୍ପୂର୍ଣ୍ଣ ବିଛିନ୍ନ ହୋଇଛି । ସେହିଭଳି କାକୁର୍ କୁଣ୍ଡା ପୋଲ ଉପରେ ୩ ଫୁଟ ଉଚ୍ଚତାର ପାଣି ପ୍ରବାହିତ ହେବା ଫଳରେ ମାଲକାନଗିରି ଓ କାଲିମେଳା ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଛି । ସାଧାରଣ ଯାତାୟତ ଠପ ହୋଇଥିବା ବେଳେ ପୋଲର ଉଭୟ ପାର୍ଶ୍ବରେ ବହୁ ଯାନବାହାନ ଅଟକି ରହିଥିବା ଦେଖିବାକୁ ମିଳିଛି ।
ଇଟିଭି ଭାରତ, ମାଲକାନଗିରି