ମାଲକାନଗିରି: ଜିଲ୍ଲାର କାଲିମେଳା ବ୍ଲକ ଏମପିଭି 73 କୁନାଲପଲ୍ଲୀ ଗ୍ରାମରେ ଥିବା ସବସେଣ୍ଟର ଅଙ୍ଗନବାଡି କେନ୍ଦ୍ରରେ ଗାଁ ଲୋକେ ତାଲା ପକାଇଛନ୍ତି । ଆଜି ଗାଁ ଲୋକେ ବିଭିନ୍ନ ଅଭିଯୋଗ ଦାବି କରି ଏହି ପଦକ୍ଷେପ ଗ୍ରହଣ କରିଛନ୍ତି । ଗ୍ରାମର ଶତାଧିକ ମହିଳା ଆଜି ଅଙ୍ଗନବାଡି କେନ୍ଦ୍ରରେ ଥିବା ମହିଳା କର୍ମୀଙ୍କୁ ଘେରି ବିଭିନ୍ନ ଅଭିଯୋଗ ସମ୍ପର୍କରେ ପଚାରି ବୁଝିଥିଲେ । ତେବେ ଅଭିଯୋଗ ଅନୁସାରେ ମହିଳା କର୍ମୀ ଜଣକ ପୂର୍ବରୁ ସେମାନଙ୍କର କୌଣସି ଅଭିଯୋଗ ଶୁଣୁ ନଥିଲେ ।
ଭିଡିଓ ସୌଜନ୍ୟ- ସମ୍ବାଦଦାତା, ମାଲକାନଗିରି
ବିଶେଷ କରି ପିଲାମାନଙ୍କର ଶାରୀରିକ ଓ ମାନସିକ ବିକାଶ ପାଇଁ ଦିଆଯାଉ ଥିବା ଛତୁଆ, ପୁଷ୍ଟିକର ଖାଦ୍ୟ ଓ ଅଣ୍ଡା କିଛି ମଧ୍ୟ ଦିଆଯାଉନାହିଁ । ମହିଳା ମାନଙ୍କର ଅଭିଯୋଗ ଯେ, ସେମାନଙ୍କର ମାତୃତ୍ବର ସୁରକ୍ଷା ପାଇଁ ରାଜ୍ୟସରକାର ଦେଉଥିବା 5000 ଟଙ୍କା ମଧ୍ୟ ଅଙ୍ଗନବାଡି କର୍ମୀ ଜଣଙ୍କ ମହିଳାଙ୍କୁ ଦେଇ ନାହାଁନ୍ତି ।