ମାଲକାନଗିରି:ଭିଜିଲାନ୍ସ ଜାଲରେ ASI । ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ମାଲକାନଗିରି ମାଥିଲି ଥାନା ପୂର୍ବତନ ଏଏସଆଇ ଜୟଦାଶ ଖରାଙ୍କ ଘରେ ଭିଜିଲାନ୍ସ ରେଡ଼ କରିଛି । ଆଜି ଏକକାଳୀନ ଭାବେ ୫ଟି ସ୍ଥାନରେ ଜୟପୁର ଭିଜିଲାନ୍ସ ଚଢାଉ କରିଛି । କୋରାପୁଟର LIC କଲୋନିର ୨ଟି ସ୍ଥାନ, କୋରାପୁଟ ମେଘରାଜ କଲୋନି, ସୁନାବେଡାରେ AEF କଲୋନି ଓ ମାଲକାନଗିରିରେ ଚଢାଉ ଜାରିରହିଛି ।
DSP ସୁଶାନ୍ତ କୁମାର ବିଶ୍ବାଳ,ଇନ୍ସପେକ୍ଟର କଳାବତୀ ବାଗ, ଇନ୍ସପେକ୍ଟର ସଞ୍ଜୟ ପ୍ରଧାନ,ଇନ୍ସପେକ୍ଟର ବଙ୍କିମ ବବାଲିଙ୍କ ନେତୃତ୍ବରେ କୋରାପୁଟର ୩ଟି ସ୍ଥାନରେ ଚଢାଉ ଜାରି ରହିଛି । ସୁନାବେଡା ଏଇଏଫ କଲୋନିରେ ଡିଏସପି ଅନନ୍ତ ମଲିକଙ୍କ ନେତୃତ୍ବରେ ଚଢାଉ ଜାରି ରହିଛି । ସେହିପରି କୋରାପୁଟରେ ନିଜର ୨ଟି ଘର ଓ ଶ୍ବଶୁର ଅବସରପ୍ରାପ୍ତ ଆରଆଇ ବିଜୟ କୁମାର ସୁନାଙ୍କ ଘରେ ମଧ୍ୟ ଯାଞ୍ଚ କରୁଛି ଭିଜିଲାନ୍ସ । କୋରାପୁଟ ଓ ମାଲକାନଗିରି ଜିଲ୍ଲାରେ ଚାକିରି କରି ବହୁ ବେନାମୀ କାମରେ ଲିପ୍ତ ରହି ବେଆଇନ ଭାବେ ଆୟ କରିଥିବା ସମ୍ପତ୍ତିକୁ ଭିଜିଲାନ୍ସ ଠାବ କରିଥବା ଜଣାପଡିଛି।