ପୋଖରୀରେ ବୁଡି ଦୁଇ ଭଉଣୀଙ୍କ ସଲିଳ ସମାଧି

ଗାଁ ପୋଖରୀରୁ ବୁଡି ଦୁଇ ଭଉଣୀଙ୍କ ମୃତ୍ୟୁ । ଏଭଳି ଦୁଃଖଦ ଘଟଣା ଦେଖିବାକୁ ମିଳିଛି ମାଲକାନଗିରି ଜିଲ୍ଲା ମୁଣ୍ଡାଗୁଡା ଗାଁରେ । ଅଧିକ ପଢନ୍ତୁ

ମାଲକାନଗିରି: ଗାଁ ପୋଖରୀରୁ ବୁଡି ଦୁଇ ଭଉଣୀଙ୍କ ମୃତ୍ୟୁ । ଏଭଳି ଦୁଃଖଦ ଘଟଣା ଦେଖିବାକୁ ମିଳିଛି ମାଲକାନଗିରି ଜିଲ୍ଲା ମୁଣ୍ଡାଗୁଡା ଗାଁରେ । ଗତକାଲି (ବୁଧବାର) ସନ୍ଧ୍ୟାରେ ଦୁଇ ଜଣ ଭଉଣୀଙ୍କ ପୋଖରୀରେ ବୁଡି ମୃତ୍ୟୁ ହୋଇଥିବା ଜଣାପଡ଼ିଛି ।

ସୂଚନା ଅନୁଯାୟୀ, ମୁଣ୍ଡାଗୁଡା ଗାଁର ରୁନୁରାମ ହାଲବା ଓ ତାଙ୍କ ସାନଭାଇ ରଇନାଥ ହାଲବାଙ୍କ ଦୁଇଝିଅ ଆରସି (8ବର୍ଷ) ଓ ନନ୍ଦିନୀ (9 ବର୍ଷ) ସଂଧ୍ୟା ସମୟରେ ଘରକୁ ନ ଫେରିବାରୁ ପରିବାର ଲୋକେ ସେମାନଙ୍କୁ ଚାରିଆଡେ ଖୋଜାଖୋଜି କରିଥିଲେ । ପରେ ପୋଖରି ହୁଡାରେ ଝିଅ ମାନଙ୍କ ଡ୍ରେସ ପଡିଥିବା ଦେଖିଥିଲେ ପରିବାର ଲୋକେ ।

ଗ୍ରାମବାସୀଙ୍କ ସହାୟତା ଓ ଅଗ୍ନିଶମ ବାହିନୀର ସହାୟତାରେ ପୋଖରି ଭିତରେ ଖୋଜିବା ପରେ ଦୁଇ ଝିଅଙ୍କ ମୃତଦେହ ମିଳିଥିଲା । ଏହି ଘଟଣା ନେଇ ଅଞ୍ଚଳରେ ଶୋକର ଛାୟା ଖେଳିଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ କରୁଥିବା ଜଣାପଡିଛି ।

ମାଲକାନଗିରିରୁ ପଞ୍ଚାନନ ଦାଶ, ଇଟିଭି ଭାରତ