ମାଲକାନଗିରି: ଜିଲ୍ଲା ସୀମାନ୍ତ ଛତିଶଗଡ ଦାନ୍ତେୱାଡା ପୋଲିସକୁ ବଡ ସଫଳତା । ଡିଆରଜି ଯବାନଙ୍କ ଏନକାଉଣ୍ଟରରେ ଦୁଇ ହାର୍ଡକୋର ମାଓବାଦୀଙ୍କ ମୃତ୍ୟୁ । ଘଟଣାସ୍ଥଳରୁ ଦୁଇଟି ବନ୍ଧୁକ ସହ ବିପୁଳ ପରିମାଣର ମାଓ ବିସ୍ପୋରକ ସାମଗ୍ରୀ ଜବତ । ଦାନ୍ତେୱାଡା ଜିଲ୍ଲାର ବଡେଗୁଡରା ଜଙ୍ଗଲରରେ ଶନିବାର ପୋଲିସ ଓ ମାଓବାଦୀ ମଧ୍ୟରେ ଗୁଳି ବିନିମୟ ବେଳେ ପୋଲିସକୁ ଏହି ସଫଳତା ମିଳିଛି ।
ଡିଆରଜି ଯବାନଙ୍କ ଏନକାଉଣ୍ଟରରେ ଦୁଇ ହାର୍ଡକୋର ମାଓବାଦୀ ମୃତ
ମୃତ ମାଓବାଦୀଙ୍କ ମଧ୍ୟରେ ଜଣେ ମାଡଡଚ୍ଚି ହଡମା । ସେ କଟେକଲ୍ୟାଣ ଏରିଆ କମିଟି ମାଓ ସଙ୍ଗଠନର ଡେପୁଟି କମାଣ୍ଡେଣ୍ଟ । ପୂର୍ବରୁ ତା' ମୁଣ୍ଡ ଉପରେ 3 ଲକ୍ଷ ଟଙ୍କାର ପୁରସ୍କାର ରାଶି ରହିଥିଲା । ସେହିପରି ଅନ୍ୟ ଜଣେ ହେଲା ଦୁସରା ଆଇତା । ସେ ମିଲେସିଆ କମାଣ୍ଡର ଭାବେ କାମ କରୁଥିଲା । ତା' ମୁଣ୍ଡରେ ମଧ୍ୟ ଏକ ଲକ୍ଷ ଟଙ୍କାର ପୁରସ୍କାର ରହିଥିବା ଜଣାପଡିଛି ।