ମାଲକାନଗିରି: ଅନ୍ଧବିଶ୍ବସ ଅନ୍ଧଗଳିରୁ ବାହାରି ପାରୁନି ମଣିଷ । ଆଜି ବି ସମାଜରେ ବଞ୍ଚି ରହିଛି ଅନ୍ଧ ବିଶ୍ବାସ । ଡାକ୍ତରଙ୍କ ପାଖକୁ ନେବା ପରିବର୍ତ୍ତେ ଗୁଣି ଗାରେଡି ଉପରେ ଅନେକ ବିଶ୍ବାସ ରଖନ୍ତି । ତେବେ ଏହାର ତାଜା ଚିତ୍ର ଦେଖିବାକୁ ମିଳିଛି ମାଲକାଗିରି ଜିଲ୍ଲାରେ । ଏଠାରେ ରୋଗ ଭଲ ପାଇଁ ହେଉଛି ଅଜବ ଚିକିତ୍ସା । ବିଚିତ୍ର ପଦ୍ଧତିରେ ଚାଲିଛି ଚିକିତ୍ସା । ଗୁଣିଆଙ୍କ କାମୁଡାରେ ଚିକିତ୍ସିତ ହେଉଛନ୍ତି ରୋଗୀ ।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ଆଦିବାସୀ ଅଧ୍ୟୁଷିତ ଅଞ୍ଚଳ ମାଲକାନଗିରି ଜିଲ୍ଲା । ଏଠାକାର ଆଦିବାସୀ ଆଜି ବି ଅନ୍ଧ ବିଶ୍ବାସର ସାହାରା ନିଅନ୍ତି । ଝଡ଼ା ପୁଙ୍ଖା ଉପରେ ବିଶ୍ବାସ ରଖନ୍ତି । ଜିଲ୍ଲାର କାଲିମେଳା ବ୍ଲକ ଅନ୍ତର୍ଗତ ଉର୍ମାଗୁଡାରେ ଜଣେ ମହିଳାଙ୍କ ଦେହ ଖରାପ ହୋଇଥିଲା । ସେ ମେଡିକାଲ ଯିବା ପରିବର୍ତ୍ତେ ଗୁଣି ଗାରେଡିର ସାହାର ନେଇଥିଲେ । ଆଉ ସେ ଗୁଣିଆ କାମୁଡା ଚିକିତ୍ସା ଦେଲା । ଯାହା ଦେଖି ସ୍ଥାନୀୟ ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ । ତେବେ ଏଠାରେ ଏପରି ଚିକିତ୍ସା ଉପରେ ବିଶ୍ବାସ କରନ୍ତି ।