ମାଲକାନଗିରି: କୋରୋନା ମୁକାବିଲାକୁ ନେଇ ଜିଲ୍ଲା ପ୍ରଶାସନ ପଦକ୍ଷେପକୁ କିଛି ବ୍ୟବସାୟୀ ମାନଙ୍କର ବିରୋଧ । ଜିଲ୍ଲାରେ ଦିନକୁ ଦିନ କୋରୋନା ମହାମାରୀ କାୟା ବିସ୍ତାର କରିଥିବା ବେଳେ ମାଲକାନଗିରି ପୌରପରିଷଦରେ ଏହାର ପ୍ରଭାବ ଅଧିକ ଦେଖିବାକୁ ମିଳିଛି। ପ୍ରତ୍ୟେକ ଦିନ ପୌରପରିଷଦରୁ କୋରୋନା ପଜିଟିଭି କମିବାର ନାଁ ନନେଉଥିବା ବେଳେ ଆଜି ମଧ୍ୟ 47ଟି ପଜିଟିଭ କେସ ସାମ୍ନାକୁ ଆସିଛି ।
କୋରୋନା ମହାମାରୀ ପୌରାଞ୍ଚଳରେ ଗୋଷ୍ଠୀ ସଂକ୍ରମଣ ରୋକିବା ପାଇଁ ଜିଲ୍ଲା ପ୍ରଶାସନ ତରଫରୁ ସଟଡାଉନ, ଲକ ଡାଉନ, କଣ୍ଟେନମେଣ୍ଟ ଜୋନ ଘୋଷଣା କରାଯାଉଥିବା ବେଳେ 5 ତାରିଖ ରାତି 8 ଟାରୁ 20 ତାରିଖ ପର୍ଯ୍ୟନ୍ତ ମାଲକାନଗିରି ପୌରାଞ୍ଚଳକୁ ବଫର ଜୋନ ଘୋଷଣା କରିଛନ୍ତି ।
ଏ ନେଇ ଡ଼ାକବାଜି ଯନ୍ତ୍ର ଦ୍ବାରା ଘୋଷଣା କରାଯାଇଛି। ଘୋଷଣା ପରେ ବ୍ୟବସାୟୀ ମାନଙ୍କ ମଧ୍ୟରେ ଗୋଟିଏ ପ୍ରକାର ଛନକା ପଶିଛି। ଦୀର୍ଘ 4 ମାସ ଧରି ସେମାନଙ୍କ ବ୍ୟବସାୟ ବେଉସା ଠପ ହୋଇଯାଇଛି। କେନ୍ଦ୍ର ସରକାରଙ୍କ ଅନଲକ ଘୋଷଣା ପରେ ବ୍ୟବସାୟ କରିବାକୁ ସୁଯୋଗ ମିଳିବ ବୋଲି ଆଶା ରଖିଥିବା ବେଳେ ଜିଲ୍ଲା ପ୍ରଶାସନ ପକ୍ଷରୁ ବଫର ଜୋନ ଘୋଷଣା ପରେ ସେମାନଙ୍କ ସଂସାର ଓ ବ୍ୟବସାୟ କିପରି ଚାଲିବ ସେ ନେଇ ଦ୍ଵନ୍ଦରେ ପଡିଛନ୍ତି।