ପ୍ରେମୀ ଯୁଗଳଙ୍କ ଆତ୍ମହତ୍ୟା

07:56 December 31

ଗଛରେ ଗାମୁଛା ଲଗାଇ ପ୍ରେମୀ ଯୁଗଳଙ୍କ ଆତ୍ମହତ୍ୟା

ମାଲକାନଗିରି: ସଦର ମହକୁମା ଏମଭି 42ରେ ଗାଁରେ ଝୁଲନ୍ତା ଅବସ୍ଥାରେ 2 ମୃତଦେହ ଠାବ । ମନ୍ଦିର ବିବାହ ପରେ ଆତ୍ମହତ୍ୟା କରିଥିବା ଆଶଙ୍କା କରାଯାଉଛି। ମନ୍ଦିର ନିକଟରେ ଥିବା ବରଗଛରେ ଦୁହିଁଙ୍କ ମୃତଦେହ ଝୁଲୁ ଥିବା ଅବସ୍ଥାରେ ଉଦ୍ଧାର କରାଯାଇଛି।  

ମାଲକାନଗିରି ଜିଲ୍ଲା ସଦର ମହକୁମା ଏମଭି 42ରେ ଏହି ଘଟଣା ଦେଖିବାକୁ ମିଳିଛି। ଦୁଇ ଜଣଙ୍କ ନାମ ଭିକି ସିକଦାର ଓ ସୋରି ସରକାର ହୋଇଥିବାବେଳେ ଉଭୟ ନାବାଳକ ଓ ନାବାଳିକା ଥିବା ସୂଚନା ମିଳିଛି। ଘଟଣା ସ୍ଥଳରେ ମାଲକାନଗିରି ପୋଲିସ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି।

ତେବେ ଘର ଲୋକଙ୍କୁ ପଚାରିବାରୁ ସେମାନେ କିଛି ଜାଣି ନାହାନ୍ତି ବୋଲି କହିଛନ୍ତି। କଣ ପାଇଁ ଦୁହେଁ ଆତ୍ମହତ୍ୟା କରିଛନ୍ତି ତାହା ସ୍ପଷ୍ଟ ହୋଇନାହିଁ।  

ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ