ମାଲକାନଗିରି: ଭଲ କାମ ପାଇଁ ପୁରସ୍କୃତ ହେଲେ ମାଲକାନଗିରି ମହାବିଦ୍ୟାଳୟ ବାଣିଜ୍ୟ ବିଭାଗର ଅଧ୍ୟାପକ ଡକ୍ତର. ରଞ୍ଜନ କୁମାର ସ୍ୱାଇଁ । ଶନିବାର ଭୁବନେଶ୍ୱର ରାଜଭବନର ଅଭିଶେକ ହଲରେ ଭାରତୀୟ ରେଡ଼କ୍ରସ ସୋସାଇଟି ଶାଖାର ପୁରସ୍କାର ବିତରଣ ଉତ୍ସବରେ ରାଜ୍ୟପାଳ ମୁଖ୍ୟ ଅତିଥି ଭାବରେ ଯୋଗ ଦେଇ ରଞ୍ଜନ କୁମାର ସ୍ୱାଇଁଙ୍କୁ ମାନପତ୍ର ଓ ଟ୍ରଫି ଦେଇ ପୁରସ୍କୃତ କରିଛନ୍ତି ।
ବିଶେଷ କରି ଉପାନ୍ତ ଜିଲ୍ଲା ମାଲକାନଗିରିରେ ଡକ୍ଟର ସ୍ୱାଇଁ ଜଣେ ଅଧ୍ୟାପକ ଭାବେ ଯେତିକି ପରିଚିତ ତାହା ଠାରୁ ଜଣେ ସମାଜ ସେବୀ ଭାବେ ଅଧିକ ଜଣାଶୁଣା । ଜିଲ୍ଲା ରକ୍ତ ଭଣ୍ଡାରରେ ବୁନ୍ଦାଏ ରକ୍ତ ପାଇଁ ରୋଗୀ ହଇରାଣ ହେଉଥିବା ବେଳେ ଡକ୍ଟର ସ୍ୱାଇଁ ଏହା ପ୍ରତି ସ୍ୱର ଉଠାଇଥିଲେ ।