ମାଲକାନଗିରି: ମାଲକାନଗିରି ଜିଲ୍ଲାର କୋରକୋଣ୍ଡା ବ୍ଲକ ଏମଭି - ୩୬ ଗ୍ରାମରେ ବିଜେଡି ପକ୍ଷରୁ ଆୟୋଜିତ ନିର୍ବାଚନୀ ପ୍ରଚାରରେ ନିର୍ବାଚନ ଆଚରଣ ଆଦର୍ଶବିଦ୍ଧି ଉଲ୍ଲଙ୍ଘନ ଅଭିଯୋଗ ।
ସରକାରୀ ଦଳ ପାଇଁ ପ୍ରଚାର କରୁଛନ୍ତି ଶିକ୍ଷକ, ଅଭିଯୋଗ ଆଣିଲା ବିଜେପି
ଅଭିଯୋଗ ଅନୁସାରେ ମାଲକାନଗିରି ବ୍ଲକ ଅନ୍ତର୍ଗତ ଟିଟିବିରି ବିଦ୍ୟାଳୟର ପ୍ରଧାନଶିକ୍ଷକ ମୃତ୍ୟୁଞ୍ଜୟ ହାଲଦାର ନିର୍ବାଚନୀ ପ୍ରଚାରରେ ସାମିଲ ହୋଇ ଭାଷଣ ଦେବା ସହ ବିଜେଡିକୁ ଭୋଟ ଦେବା ପାଇଁ କହୁଥିବା ଦେଖିବାକୁ ମିଳିଛି । ନିର୍ବାଚନ ଆଇନ ଅନୁଯାୟୀ , କୌଣସି ସରକାରୀ କର୍ମଚାରୀ ନିର୍ବାଚନୀ ପ୍ରଚାରରେ ଭାଗ ନେଇପାରିବେ ନାହିଁ । କିମ୍ବା କୌଣସି ରାଜନୈତିକ ଦଳ ସହ ସଂପୃକ୍ତ ହୋଇପାରିବେ ନାହିଁ। କିନ୍ତୁ ନିର୍ବାଚନ ନୀତି ନିୟମକୁ ଫୁ କରି ପ୍ରଧାନଶିକ୍ଷକ ମୃତ୍ୟୁଞ୍ଜୟ ହାଲଦାର ସାମିଲ ହୋଇଥିବା ଅଭିଯୋଗ ହୋଇଛି ।
ଖୋଲାଖୋଲି ଭାବେ ଶାସକ ଦଳ ପାଇଁ ନିର୍ବାଚନୀ ପ୍ରଚାର କରୁଛନ୍ତି । ବର୍ତ୍ତମାନ ବିଦ୍ୟାଳୟ ଗୁଡିକ ଖୋଲା ରହିଥିବା ବେଳେ ଜଣେ ପ୍ରଧାନଶିକ୍ଷକ କିଭଳି ପ୍ରଚାରରେ ସାମିଲ ହେଲେ ତାହାର ତଦନ୍ତ ପାଇଁ ଦାବି ହୋଇଛି ।