ମାଲକାନଗିରି:ଜିଲ୍ଲା କୋରୁକୋଣ୍ଡା ବ୍ଲକ ସଦମହକୁମା ସ୍ଥିତ ହାଇସ୍କୁଲଗୁଡା ନିକଟରେ ସତୀଗୁଡା ଡ୍ୟାମରୁ ଆସିଥିବା ମୁଖ୍ୟ କେନାଲ ଭାଙ୍ଗିଯାଇଛି । ଫଳରେ ଶହଶହ ଏକର ଜମିରେ ହୋଇଥିବା ଫସଲ ନଷ୍ଟ ହୋଇଛି । ଫସଲ ଧୋଇଯିବାରୁ ଚିନ୍ତାରେ ଚାଷୀ ।
ଭାଙ୍ଗିଲା ସତୀଗୁଡା କେନାଲ ବନ୍ଧ
ସୂଚନାଅନୁସାରେ, ଆଜି(ଗୁରୁବାର) କେନାଲରେ ଏକ ଘାଇ ସୃଷ୍ଟି ହୋଇଥିଲା। ଘାଇରେ ପାଣି ପ୍ରଭାହିତ ହୋଇ ରାସ୍ତା କଡ ଜମିକୁ ମାଡିଯିବା ସହିତ ରାସ୍ତା ଉପରେ ମଧ୍ୟ ୨ ଫୁଟ ଉଚ୍ଚର ପାଣି ପ୍ରବାହିତ ହେଉଥିବା ଦେଖିବାକୁ ମିଳିଛି । ବନ୍ଧମଣ୍ଡି ଚାଷ ଜମିରେ ପାଣି ମାଡିଯିବାରୁ ଶହ ଶହ ଏକର ଧାନ ଚାଷ ନଷ୍ଟ ହୋଇଛି । ସବୁଠାରୁ ବଡ କଥା ହେଲା ବନ୍ଧ ଭାଙ୍ଗିଯାଇଥିଲେ ସୁଦ୍ଧା ବର୍ତ୍ତମାନ ପର୍ଯ୍ୟନ୍ତ ବିଭାଗୀୟ ଅଧିକାରୀଙ୍କ ଦେଖା ମିଳିନାହିଁ ।